మెగా హీరో వరుణ్ తేజ్ హీరోగా 'పలాస' ఫేమ్ కరుణ కుమార్ దర్శకత్వంలో ఓ సినిమా చేయనున్న సంగతి తెలిసిందే. పీరియాడిక్ డ్రామాగా రానున్న ఈ చిత్రం మట్కా పేరుతో ఇది రూపొందనుంది. అయితే ఈ సినిమాలో బాలీవుడ్ బ్యూటీ యాక్టర్, డ్యాన్సర్ నోరా ఫతేహి కూడా నటిస్తోందని ఈ మధ్య వార్తలు వచ్చిన సంగతి తెలిసిందే. అయితే ఇది నిజమే. ఈ చిత్రంలో ఆమె నటిస్తోంది.
సినిమాలోని ఓ ప్రత్యేక పాత్రలో నోరా నటించనుందట. అలాగే ఓ స్పెషల్ సాంగ్లో ఆమె కనిపించనుందట. తాజాగా ఈ పాట కోసం ఆమె ఎంత మొత్తంలో తీసుకుంటుందో వివరాలు బయటకు వచ్చాయి. ఈ సాంగ్ కోసం ఆమె ఏకంగా రూ.30లక్షలు రెమ్యునరేషన్ తీసుకోబోతుందని తెలిసింది. ప్రస్తుతం ఈ విషయం నెట్టింట్లో చక్కర్లు కొడుతోంది. ఇంకా ఈ సినిమాలో హీరోయిన్గా మీనాక్షి చౌదరి పేరు కూడా వినిపిస్తోంది.
ఇకపోతే ఈ ముద్దుగుమ్మ గురించి ప్రత్యేకంగా చెప్పనక్కర్లేదు. బెల్లీ డ్యాన్స్కు ఈమె స్పెషాలిటీ. గతంలోనూ ఈమె పలు తెలుగు చిత్రాల్లో తన డ్యాన్స్తో ఆకట్టుకుంది. టెంపర్, కిక్ 2, షేర్, లోఫర్, బాహబలి వంటి చిత్రాల్లో నటించింది. అయితే ఇందులో లోఫర్ వరుణ్ తేజ్ సినిమానే. ఇందులో నోరా ఫతేహి నొక్కే దోచేయ్ అనే స్పెషల్ సాంగ్లో చిందులేసింది. ఇప్పుడు మట్కా కోసం రెండో సారి వరుణ్తేజ్తో కలిసి కనిపించబోతుంది.
ఇంకా నోరాఫతేహి.. దర్శకుడు క్రిష్.. పవన్ కళ్యాణ్ హీరోగా తెరకెక్కుతోన్న 'హరిహర వీరమల్లు' సినిమాలోనూ నటిస్తోంది. ఈ చిత్రంలో నోరా మహారాణి పాత్రలో కనిపించనుందట. ఔరంగా జేబు చెల్లెలు పాత్రలో ఆమె కనిపించనుందని తెలిసింది. మొదట ఆ పాత్ర కోసం జాక్వెలిన్ ఫెర్నాండెజ్ను తీసుకోగా అనుకోని కారణాల వల్ల.. ఆమె స్థానంలో నోరాను తీసుకున్నారు. పవన్ కళ్యాణ్ పాత్రకు ఆమె స్నేహితురాలిగా నటించనుంది.
ప్రస్తుతం నోరా.. వరుణ్ తేజ్ మట్కాకో పాటు 100 పర్సెంట్, మడ్గాన్ ఎక్స్ప్రెస్, డ్యాన్సింగ్ డ్యాడ్ చిత్రాల్లోనూ నటిస్తోంది. వెబ్సిరీస్ టెలివిజన్ రియాలిటీ షోస్లోనూ కనిపిస్తోంది. ప్రస్తుతం 'హిప్ హాప్ ఇండియా' సీజన్ 1కు జడ్జిగా వ్యవహరిస్తోంది.