దీపావళి పార్టీలో గాయ‌కుడితో నోరా ఫతేహి
ఇప్పుడు ప్రముఖ యూట్యూబ‌ర్ లిల్లీ సింగ్ తన వార్షిక దీపావళి వేడుకలను లాస్ ఏంజెల్స్‌లో ఈ వారాంతంలో నిర్వహించారు.
బాలీవుడ్ టాలీవుడ్ లో దీపావళి వేడుక‌ల వైభ‌వం చూశాం. ప్ర‌పంచ‌వ్యాప్తంగా దీపావళి పండుగ వెలుగులు నింపింది. అమెరికాలో భారతీయ సంత‌తికి చెందిన ప్ర‌ముఖులు కూడా దీపావ‌ళిని గొప్ప‌గా జ‌రుపుకున్నారు. ఇప్పుడు ప్రముఖ యూట్యూబ‌ర్ లిల్లీ సింగ్ తన వార్షిక దీపావళి వేడుకలను లాస్ ఏంజెల్స్‌లో ఈ వారాంతంలో నిర్వహించారు. ఈ వేడుక‌ల్లో భార‌త‌దేశానికి చెందిన ప్రముఖ గాయ‌కుడు గురు రంధవా, ప్రముఖ డ్యాన్స‌ర్ నోరా ఫతేహి కూడా పాల్గొన్నారు. టెర్రీ క్రూస్, జే సీన్, మిండీ కాలింగ్, రూబీ రోజ్, టాన్ ఫ్రాన్స్, విక్టోరియా జస్టిస్, టెషర్‌ సహా ప‌లువురు అతిథులు పాల్గొన్నారు.
డిజైనర్ ద్వయం ఫల్గుణి షేన్ పీకాక్ డిజైన్ చేసిన దుస్తులలో మెరిసిన బ‌ర్త్ డే బేబి లిల్లీ తన దీపావళి పార్టీ నుండి కొన్ని ఫోటోలు వీడియోల‌ను ఇన్ స్టాలో షేర్ చేసారు. ప్ర‌స్తుతం అవి వైర‌ల్ గా మారుతున్నాయి.
నెట్‌ఫ్లిక్స్ షో `నెవర్ హావ్ ఐ ఎవర్‌` నటులు పూర్ణ జగన్నాథన్ - రిచా మూర్జని లిల్లీ పోస్ట్ చేసిన వీడియోలో డ్యాన్స్ ఫ్లోర్‌లో కనిపించారు. హాలీవుడ్ నటి రూబీ రోజ్ కూడా దీపావళి పార్టీలో హృదయాల‌ను దోచుకుంది.
లిల్లీ తన ఇన్‌స్టాగ్రామ్ రీల్స్ క్యాప్షన్‌లో, ``లవ్ అండ్ లైట్ 2023… సంస్కృతి కోసం. ప్రేమ వెలుగును వెదజల్లే వ్యక్తులతో నిండిన సంఘాన్ని హోస్ట్ చేయడం ఒక విశేషం. ఎందుకంటే మనకు ఇది గతంలో కంటే ఎక్కువ అవసరం. నా దృష్టి కోణానికి జీవం పోయడంలో సహాయపడే చాలా మంది ప్రతిభావంతులైన వ్యక్తులు ఉన్నారు`` అని ఆనందం వ్య‌క్తం చేసారు.
ఈ పార్టీలో లిల్లీ అండ్ గ్యాంగ్ డ్యాన్సుల‌తో హుషారెత్తించారు. పార్టీ చాలా స్ట్రింగ్ లైట్లతో తెల్ల‌ని కాంతితో ఆహ్లాదంగా క‌నిపించింది. ఏరియల్ డ్యాన్సర్లు కూడా కనిపించారు. ఆహారంలో ఆసియా-భారతీయ వంటకాలు అలాగే సీఫుడ్ కి చెందిన చాలా డెజర్ట్‌లు ఉన్నాయి. 30వ దీపావళి అయినా లేదా మొదటిది అయినా ఈ పార్టీ ఎల్లప్పుడూ ఐక్యత, ఆప్యాయత, ఒక చోట క‌ల‌యిక‌కు సంబంధించినది.
దీపావళి పార్టీలో ఆకుపచ్చ లుక్ లో నోరా ఫతేహి కనిపించారు. నోరాతో లిల్లీ కూడా పోజులిచ్చింది. ఇన్‌స్టాగ్రామ్ స్టోరీస్‌లో వారి చిత్రాన్ని పోస్ట్ చేస్తూ ``చివరిగా నా అమ్మాయిని కలుసుకున్నాను`` అని రాసింది. మిండీ కాలింగ్, గురు రంధవా సహా చాలా మంది ఇతర ప్రముఖ అతిథులతో తన ఫోటోలను పంచుకుంటూ లిల్లీ తన ఇన్‌స్టాగ్రామ్ పోస్ట్‌లో ఆనందం వ్య‌క్తం చేసింది.