సలార్‌ : అతడిపై ప్రశంసలు కురిపించిన ప్రభాస్
రెండు సంవత్సరాలుగా ఎదురు చూస్తున్న 'సలార్‌' సినిమా ఎట్టకేలకు ప్రేక్షకుల ముందుకు వచ్చేందుకు రెడీ అయింది.
రెండు సంవత్సరాలుగా ఎదురు చూస్తున్న 'సలార్‌' సినిమా ఎట్టకేలకు ప్రేక్షకుల ముందుకు వచ్చేందుకు రెడీ అయింది. ఈ క్రిస్మస్‌ కి విడుదల అవ్వబోతున్న ఈ సినిమా ప్రమోషన్‌ కార్యక్రమాలను యూనిట్‌ సభ్యులు మొదలు పెట్టారు. సినిమాకు వచ్చిన బజ్ నేపథ్యంలో మెయిన్‌ లీడ్‌ ప్రమోషన్‌ చేయకున్నా పర్వాలేదు అన్నట్లుగా పరిస్థితి ఉంది.
సినిమాకు ఫుల్‌ బజ్ క్రియేట్‌ అయినా కూడా హీరో, హీరోయిన్ తో పాటు ఇతర యూనిట్‌ సభ్యులు అంతా కూడా ప్రత్యేకమైన ఇంటర్వ్యూలతో సినిమాకి ప్రమోషన్‌ చేయడం జరిగింది. అలా ప్రభాస్ ఒక ఇంటర్వ్యూలో చేసిన వ్యాఖ్యలు అందరి దృష్టిని ఆకర్షిస్తున్నాయి.
ప్రభాస్ మాట్లాడుతూ.. సలార్‌ సినిమా కోసం తాను ఎక్కువగా కష్టపడింది లేదు. సినిమా షూటింగ్‌ కి ముందు ఫిజిక్ విషయంలో ప్రశాంత్ నీల్‌ కొన్ని సూచనలు చేశాడు. అందుకు తగ్గట్లుగా మారాను. ఆ విషయం నాకు పెద్ద సమస్య కాదు. నా ఇన్నేళ్ల సినీ జీవితంలో ఈ సినిమాకు ఫీల్ అయిన కంఫర్ట్‌ మరే సినిమాకు ఫీల్ అవ్వలేదు అన్నట్లుగా కామెంట్స్ చేశాడు.
నేను సెట్స్ లో అడుగు పెట్టిన వెంటనే ఎవరు ఏ పనుల్లో ఉన్నా కూడా వెంటనే నా పై చేయాల్సిన సన్నివేశాలను పూర్తి చేసే వారు. ఎప్పుడు కూడా నేను షాట్‌ కోసం వెయిట్‌ చేసిన సందర్భాలు లేవు అంటూ ప్రభాస్ చెప్పుకొచ్చాడు. ప్రతి విషయంలో కూడా ప్రశాంత్ ముందస్తు ప్లాన్‌ చేసుకుని అద్భుతంగా సినిమాను రూపొందించాడు.
ప్రశాంత్ నీల్‌ తో పరిచం అయిన కొన్నాళ్లకే చాలా క్లోజ్ ఫ్రెండ్‌షిప్ మొదలయింది. సలార్‌ షూటింగ్‌ కోసం కంటే ప్రశాంత్ తో సమయం గడిపేందుకు షెడ్యూల్‌ కోసం ఆసక్తిగా ఎదురు చూసే వాడిని అంటూ ప్రభాస్ సరదాగా కామెంట్స్ చేశాడు. అంతగా ప్రశాంత్ నీల్‌ తో స్నేహం ఏర్పడిందని ప్రభాస్ చెప్పుకొచ్చాడు.
కేజీఎఫ్ సినిమా తర్వాత ప్రశాంత్ నీల్‌ నుంచి వస్తున్న సినిమా అవ్వడంతో సలార్‌ పై అంచనాలు ఆకాశాన్ని తాకేలా ఉన్నాయి. ప్రభాస్ తో పాటు ఈ సినిమాలో మలయాళ స్టార్ నటుడు పృథ్వీరాజ్ సుకుమారన్‌ కూడా కీలక పాత్రలో నటించిన విషయం తెల్సిందే. శృతి హాసన్‌ హీరోయిన్ గా నటించింది.