సలార్ గుడ్ న్యూస్.. సందేహాలు తీరేది ఆ రోజే..

యంగ్ రెబల్ స్టార్ ప్రభాస్ హీరోగా ప్రశాంత్ నీల్ దర్శకత్వంలో తెరకెక్కుతోన్న మూవీ సలార్. హోంబలే ఫిలిమ్స్ భారీ బడ్జెట్ తో పాన్ ఇండియా లెవల్ లో ఈ చిత్రాన్ని నిర్మిస్తోంది. డార్లింగ్ అభిమానులు సలార్ మూవీ కోసం వేయి కళ్ళతో ఎదురుచూస్తున్నారు. ఆదిపురుష్ లాంటి డిజాస్టర్ తర్వాత ఒక సాలిడ్ హిట్ కోసం ఫ్యాన్స్ చూస్తున్నారు. సలార్ మూవీ ఆ లోటు తీరుస్తుందని ఆశపడుతున్నారు.

సెప్టెంబర్ 28న సలార్ మూవీ రిలీజ్ కాబోతుందని అనుకున్న అందరికి షాక్ ఇచ్చే న్యూస్ బయటకి వచ్చింది. ఈ మూవీ వాయిదా పడుతున్నట్లు సోషల్ మీడియాలో గట్టిగా వినిపించింది. చిత్ర యూనిట్ ఎక్కడా కూడా ఈ విషయాన్ని ఖండించకపోవడంతో ఇది నిజమని కన్ఫర్మ్ అయిపొయింది. సలార్ టీమ్ నుంచి ట్రైలర్ కూడా రాకపోవడంతో, అలాగే సెప్టెంబర్ 28న మరికొన్ని సినిమాలు రిలీజ్ డేట్ ఫిక్స్ చేసుకోవడం జరిగింది.

ఇవన్నీ చూసిన తర్వాత సలార్ వాయిదా పడినట్లే అని అభిమానులు కూడా కన్ఫర్మ్ చేసుకున్నారు. అయితే రిలీజ్ ఎప్పుడు ఉంటుందనేది చిత్ర యూనిట్ నుంచి అధికారికంగా ఇంకా రాలేదు. సెప్టెంబర్ 7న దీనిపై క్లారిటీ ఇచ్చే అవకాశం ఉందని భావిస్తున్నారు. నవంబర్ మొదటి వారం లేదంటే చివరి వారంలో, అలాగే క్రిస్మస్, సంక్రాంతి ఫెస్టివల్ సీజన్స్ లో ఏదో ఒక డేట్ నిఅఫీషియల్ గా కన్ఫర్మ్ చేసే అవకాశం ఉందని భావిస్తున్నారు.

అదే సమయంలో సినిమాకి సంబంధించిన అప్డేట్ ఏదైనా వచ్చే ఛాన్స్ ఉంటుందని భావిస్తున్నారు. సలార్ విఎఫ్ఎక్స్ అవుట్ ఫుట్ సరిగా రాకపోవడం కారణంగానే సినిమా వాయిదా పడిందని ఇండస్ట్రీ వర్గాలలో వినిపిస్తోంది. ఏది ఏమైనా కూడా సలార్ చిత్ర యూనిట్ నుంచి పూర్తి స్థాయిలో కన్ఫర్మేషన్ వచ్చే వరకు అసలు ఏం జరుగుతుందనేది ఎవరికి అర్ధం కాదు.

ఈ మూవీలో శృతి హాసన్ ప్రభాస్ కి జోడీగా నటించింది. జగపతి బాబు, పృథ్వీరాజ్ సుకుమారన్ ప్రతినాయకులుగా కనిపిస్తున్నారు. రెండు పార్ట్ లుగా ఈ సినిమా రిలీజ్ కాబోతోంది. అందులో మొదటి భాగం సలార్ ది సేజ్ ప్రేక్షకులనిపలకరించడానికి సిద్ధమవుతోంది.