పుష్ప 2 హిందీ వెర్షన్ లెక్క.. 7 రోజుల్లో ఎంతంటే..

అల్లు అర్జున్ - సుకుమార్ కాంబినేషన్ సత్తా ఏంటో కేవలం తెలుగు ఆడియెన్స్ కు మాత్రమే కాకుండా మిగతా భాషల్లో కూడా చాలా క్లారిటీగా అర్ధమవుతోంది. భారీ అంచనాలతో రూపొందించిన పాన్ ఇండియా చిత్రం పుష్ప 2: ది రూల్ సెన్సేషన్ క్రియేట్ చేస్తోంది. దేశవ్యాప్తంగా ఊహించని అంచనాల మధ్య విడుదలైన ఈ చిత్రం, మొదటి వారంలోనే అద్భుతమైన వసూళ్లు సాధించి, పాన్ ఇండియా స్థాయిలో పుష్ప మ్యానియాను మరో మెట్టుకు తీసుకెళ్లింది. మొదటి భాగం నుంచి ఆరంభమైన పుష్ప సక్సెస్ స్టోరీ, ఈ సీక్వెల్‌తో మరింత బలంగా నిలిచింది.

ఈ సినిమా ప్రపంచవ్యాప్తంగా 1000 కోట్ల గ్రాస్ మార్క్‌ను అందుకోవడం మాత్రమే కాదు, హిందీ బెల్ట్‌లోనూ ఈ చిత్రం రికార్డు స్థాయి వసూళ్లు సాధించింది. నార్త్ ఇండియాలో మరే చిత్రానికి సాధ్యం కాని రీతిలో, పుష్ప 2 హిందీ వెర్షన్ ఒక్క వారం రోజుల్లోనే 400 కోట్ల క్లబ్‌లో చేరింది. ఈ విజయంతో హిందీ బెల్ట్‌లో పుష్ప 2 మ్యానియా ఎంతలా ప్రభావం చూపిస్తోందో స్పష్టమవుతోంది. ఈ అద్భుత విజయానికి దేవిశ్రీ ప్రసాద్ అందించిన సంగీతం, సుకుమార్ రచన, అల్లు అర్జున్ నటన ప్రధాన కారణాలుగా నిలిచాయి.

మొదటి వారంలో ఒక్కో రోజు వసూళ్లు చూస్తే, సినిమా ప్రారంభం నుంచే బ్లాక్ బస్టర్ మ్యానియా కనిపించింది.

గురువారం: 72 కోట్లు

శుక్రవారం: 59 కోట్లు

శనివారం: 74 కోట్లు

ఆదివారం: 86 కోట్లు

సోమవారం: 48 కోట్లు

మంగళవారం: 30 కోట్లు

ఈ మొత్తం వసూళ్లతో, మొదటి వారం చివరికి హిందీ వెర్షన్ 400 కోట్ల మార్క్‌ను దాటింది. ఈ వసూళ్లతోనే పుష్ప ఫుట్ ఫాల్స్ లెక్క 3 కోట్లు దాటడం విశేషం. పుష్ప 2 విజయవంతం కావడానికి అల్లు అర్జున్ పెర్ఫార్మెన్స్ కీలకంగా మారింది. పుష్పరాజ్ పాత్రలోని మాస్ అప్పీల్, ప్రేక్షకులను థియేటర్‌లకు ఆకర్షించడమే కాదు, సినిమా తరువాత కూడా దీని గురించి చర్చ కొనసాగిస్తోంది. రష్మిక మందన్నా కూడా తన పాత్రలో సహజంగా నటించి మెప్పించింది. ప్రత్యేకించి, దేవిశ్రీ ప్రసాద్ అందించిన బ్యాక్‌గ్రౌండ్ స్కోర్ సినిమా విజయంలో కీలకపాత్ర పోషించింది.

మైత్రి మూవీ మేకర్స్ నిర్మించిన ఈ చిత్రం, తన మొదటి వారం నుంచే టాలీవుడ్ మాత్రమే కాకుండా బాలీవుడ్ ప్రేక్షకులను కూడా కట్టిపడేసింది. బాక్సాఫీస్ వద్ద నార్త్ బెల్ట్‌లో ఈ సినిమా సరికొత్త రికార్డుల దిశగా దూసుకెళ్తోంది. ఇది పుష్ప సిరీస్‌కు మాత్రమే కాదు, పాన్ ఇండియన్ సినిమా మార్కెట్‌లో తెలుగు చిత్రాలకు మరింత గౌరవాన్ని తీసుకువచ్చింది. మొత్తానికి, మొదటి వారంలో 1000 కోట్ల క్లబ్‌లో చేరిన పుష్ప 2, హిందీ బెల్ట్‌లో సాధించిన 400 కోట్ల గ్రాస్‌తో తెలుగు సినిమా ప్రతిష్ఠను మరింత ఎత్తుకు తీసుకెళ్లింది.