SSMB29: మరో టార్గెట్ అయితే సెట్టయ్యింది..

సూపర్ స్టార్ మహేష్ బాబుతో రాజమౌళి మూవీ చేయబోతున్న సంగతి అందరికి తెలిసిందే. ఈ సినిమాపై 2023లోనే రాజమౌళి ప్రకటన చేశారు. అప్పటికి మూవీ స్క్రిప్ట్ వర్క్ కూడా మొదలు కాలేదు. బేసిక్ ఐడియాతోనే రాజమౌళి సూపర్ స్టార్ మహేష్ బాబుతో సినిమాని కన్ఫర్మ్ చేశారు. అమెజాన్ ఫారెస్ట్ బ్యాక్ డ్రాప్ లో ఈ మూవీ కథ ఉంటుందని రాజమౌళి ఓ అంతర్జాతీయ సెమినార్ లో తెలిపారు. అలాగే ఈ చిత్రంలో మహేష్ బాబు వరల్డ్ అడ్వాంచర్ ట్రావెలర్ గా కనిపిస్తాడని చెప్పారు.

ఆ తరువాత మూవీ గురించి ఇప్పటి వరకు ఎలాంటి అప్డేట్ రాలేదు. మధ్యలో రైటర్ విజయేంద్రప్రసాద్ కొన్ని కీలక అప్డేట్స్ ఇచ్చారు. ఈ సినిమా స్క్రిప్ట్ వర్క్ కంప్లీట్ అయిపోయిందని తెలిపారు. హాలీవుడ్ రేంజ్ లోనే మూవీ ఉంటుందని క్లారిటీ ఇచ్చారు. అలాగే ఈ సినిమా కోసం హాలీవుడ్ యాక్టర్స్ ని కూడా తీసుకునే అవకాశం ఉందనే టాక్ బయటకొచ్చింది. ఇదిలా ఉంటే ప్రస్తుతం ప్రీప్రొడక్షన్ స్టేజ్ లో ఈ సినిమా ఉన్నట్లు తెలుస్తోంది.

ఇప్పటికే సూపర్ స్టార్ మహేష్ బాబు ‘SSMB29’ కోసం మేకోవర్ అయ్యారు. కంప్లీట్ గా లుక్ మార్చేశారు. మరో వైపు జక్కన్న లొకేషన్స్ వేటలో ఉన్నట్లు తెలుస్తోంది. రీసెంట్ గా కార్తికేయ ఒక ఫోటోని షేర్ చేసి ‘SSMB29’ లొకేషన్స్ కోసం సీరియస్ గా సెర్చ్ చేస్తున్నట్లు చెప్పారు. ఈ మూవీ క్యాస్టింగ్ ని ఫైనల్ చేసే పని స్పీడ్ గా జరుగుతుందనే ప్రచారం నడుస్తోంది. అలాగే ప్రీప్రొడక్షన్ వర్క్ కూడా శరవేగంగా కొనసాగిస్తున్నారంట.

సరైన డేట్ చూసుకొని 2025 సంక్రాంతి ఫెస్టివల్ తర్వాత రాజమౌళి ఈ సినిమా షూటింగ్ స్టార్ట్ చేయాలని అనుకుంటున్నారని సమాచారం. త్వరలోనే ఈ మూవీ స్టోరీ, క్యాస్టింగ్ అండ్ క్రూ గురించి అఫీషియల్ గా ప్రెస్ మీట్ పెట్టి ప్రకటన చేస్తారని ఇండస్ట్రీ వర్గాలలో మాట్లాడుకుంటున్నారు. 1000 కోట్ల బడ్జెట్ తో ఈ సినిమాని జక్కన్న తెరకెక్కించబోతున్నాడని అంటున్నారు. నిజానికి ఈ ఏడాది జనవరిలోనే మూవీ స్టార్ట్ అవుతుందనే ప్రచారం గత ఏడాది జరిగింది. ఇప్పుడు 2025 జనవరిలో మొదలవుతుందని అంటున్నారు.

జక్కన్న మాత్రం ‘SSMB29’ గురించి ఒక్క లీక్ కూడా ఇవ్వడం లేదు. సైలెంట్ గా తన పని చేసుకుంటూ వెళ్తున్నారు. బయట జరుగుతున్న ప్రచారాలని అస్సలు పట్టించుకోవడం లేదు. వచ్చే ఏడాది జనవరికి అయిన స్టార్ట్ చేస్తారా లేదంటే ఇంకా టైం తీసుకుంటారా అనేది వేచి చూడాలి. సూపర్ స్టార్ అభిమానులు మాత్రం మరల మహేష్ బాబుని తెరపై చూడాలంటే కనీసం 2 ఏళ్ళు అయిన వెయిట్ చేయాల్సిందే అని సినీ వర్గాలలో అనుకుంటున్నారు.