ముగింపు వేళ బ‌న్నీతో..కొత్త ఏడాది కౌశ‌ల్ తో!
నేష‌న‌ల్ క్ర‌ష్ ర‌ష్మిక మంద‌న్నా కెరీర్ బాలీవుడ్..టాలీవుడ్ లో దేదీప్యమానంగా సాగిపోతుంది.
నేష‌న‌ల్ క్ర‌ష్ ర‌ష్మిక మంద‌న్నా కెరీర్ బాలీవుడ్..టాలీవుడ్ లో దేదీప్యమానంగా సాగిపోతుంది. అమ్మ‌డు ఏ సినిమా చేసినా? అది పాన్ ఇండియా చిత్ర‌మే అవుతుంది. త్వ‌ర‌లో మ‌రో రెండు సినిమాల‌తో ప్రేక్ష‌కుల ముందుకు రాబో తుంది. అయితే ఈ సారి సంథింగ్ స్పెష‌ల్ గా అభిమానుల‌కు త‌న‌వైపు నుంచి ట్రీట్ ఇస్తుంది. ఏడాది ముగింపు వేళ..కొత్త ఏడాది ఆరంభంలోనూ ర‌ష్మిక కొత్త సినిమాల‌తో అల‌రిస్తుంది.
ఆ వివ‌రాల్లోకి వెళ్తే ఐకాన్ స్టార్ అల్లు అర్జున్ స‌ర‌స‌న ర‌ష్మిక `పుష్ప-2`లో న‌టించిన సంగ‌తి తెలిసిందే. డిసెంబ‌ర్ 5న ఈ సినిమా ప్రేక్ష‌కుల ముందుకొస్తుంది. భారీ అంచ‌నాల మ‌ధ్య రిలీజ్ అవుతున్న సినిమా ఇది. ఇందులో ర‌ష్మిక పాత్ర ఎంతో కీల‌క‌మైంది. రెండ‌వ భాగంలో ఆ పాత్ర ఎలా సాగుతుంది? అన్న దానిపై స‌ర్వ‌త్రా ఆస‌క్తి నెల‌కొంది. త‌న మార్క్ అప్పిరియ‌న్స్ తో ఎలాంటి స‌న్నివేశాల్లో క‌నిపిస్తుంది? అని అంతా ఎదురు చూస్తున్నారు.
సినిమాకి బ‌న్నీ ఓ ఎత్తైతే..ర‌ష్మిక మ‌రో ఎత్తులా నిలిచింది. తొలి భాగాన్ని ఇద్ద‌రు సినిమాని రెండు భుజాల‌పై తీసుకెళ్లారు. ఇక కొత్త ఏడాదిలో అమ్మ‌డు `ఛావా` సినిమాతో ప్రేక్ష‌కుల్ని అల‌రించనుంది. ఇందులో అమ్మ‌డు విక్కీ కౌశ‌ల్ కి జోడీగా న‌టించింది. ఇదొక హిస్టారిక‌ల్ ఎపిక్ చిత్రం. భారీ అంచ‌నాల మ‌ధ్య రిలీజ్ అవుతుంది. `పుష్ప-2`కి పోటీగా రిలీజ్ అవ్వాల్సిన చిత్ర‌మిది.
కానీ ఆ పోటీ నుంచి త‌ప్పుకుని జ‌న‌వ‌రికి వెళ్తున్న‌ట్లు తెలుస్తోంది. అంటే కొత్త ఏడాదిలో అమ్మ‌డు ఛావా సినిమాతో బాలీవుడ్ ప్రేక్ష‌కుల్ని ప‌ల‌క‌రించ‌నుంది. 2024 ముగింపు పుష్ప-2 అయితే...2025 ఆరంభం ఛావా చిత్రం అవుతున్నాయి. రెండు సినిమాలు భారీ అంచ‌నాల‌తో వ‌స్తున్నాయి. స‌క్సెస్ అవుతాయ‌నే అంచ‌నాలు ట్రేడ్ వ‌ర్గాల్లో బ‌లంగా ఉంది.