నితిన్ రాబిన్ హుడ్.. లేడీ బాస్ వచ్చేసింది

టాలీవుడ్ యంగ్ హీరో నితిన్.. ప్రస్తుతం వరుస చిత్రాలతో బిజీగా ఉన్న విషయం తెలిసిందే. గత ఏడాది ఎక్స్ట్రా ఆర్డినరీ మూవీతో ప్రేక్షకుల ముందుకు వచ్చిన నితిన్.. ఆ సినిమాతో డిజాస్టర్ అందుకున్నారు. వాస్తవానికి భీష్మ మూవీ తర్వాత నితిన్ కు సరైన హిట్ దక్కలేదనే చెప్పాలి. రిలీజ్ అయిన అన్ని సినిమాలు కూడా హిట్ టాక్ సంపాదించుకోలేక పోయాయి. ఇప్పుడు భీష్మతో మంచి హిట్ ఇచ్చిన వెంకీ కుడుములపైనే భారీ ఆశలు పెట్టుకున్నారు హీరో నితిన్.

ప్రస్తుతం వెంకీ కుడుముల దర్శకత్వంలో రాబిన్ హుడ్ మూవీ చేస్తున్నారు నితిన్. ఈ సినిమా షూటింగ్ శరవేగంగా జరుగుతోంది. ఇప్పటికే ఈ సినిమా నుంచి రిలీజైన టీజర్, గ్లింప్స్, పోస్టర్స్.. సినీ ప్రియులను ఆకట్టుకున్నాయి. మంచి బజ్ క్రియేట్ చేశాయి. ఈ మూవీలో నితిన్.. బాగా డబ్బున్న వాళ్ళ దగ్గర దొంగతనాలు చేసి పేదలకు పంచిపెట్టే రోల్ లో కనిపిస్తున్నట్లు ప్రమోషనల్ కంటెంట్ ద్వారా ఈజీగా అర్థమవుతుంది.

తాజాగా ఈ సినిమా నుంచి అదిరిపోయే అప్డేట్ ఇచ్చారు మేకర్స్. యంగ్ అండ్ టాలెంటెడ్ బ్యూటీ శ్రీ లీల ఈ మూవీలో హీరోయిన్ గా నటిస్తున్నట్లు అనౌన్స్ చేశారు. నేడు ఆమె బర్త్ డే సందర్భంగా విషెస్ చెబుతూ గ్లింప్స్ అండ్ పోస్టర్ ను కూడా రిలీజ్ చేశారు. "వెయిట్- తెలియదు, హెడ్ వెయిట్- ∞ (చెప్పలేనంత).. లేడీ బాస్ ఇక్కడ.. రాబిన్ హుడ్ నీరా వాసుదేవ్ (శ్రీ లీల) కు జన్మదిన శుభాకాంక్షలు" అంటూ మేకర్స్ రాసుకొచ్చారు.

గ్లింప్స్ లో మేకప్ అయ్యాక.. యాక్షన్ అని చెప్పగానే.. శ్రీ లీల ప్రైవేట్ జెట్ నుంచి ఎంట్రీ ఇచ్చింది. ఆ సమయంలో గ్లాసెస్, బ్లాక్ అండ్ మెరూన్ సూట్, స్పెషల్ హ్యాండ్ బ్యాగ్ తో శ్రీ లీల వేరే లెవల్ లో ఉంది. ఆ తర్వాత వెన్నెల కిషోర్ తో.. 'Tsunami లో T సైలెంట్ ఉండాలి.. నా ముందు నువ్వు సైలెంట్ ఉండాలి' చెప్పిన డైలాగ్ కామెడీగా ఉంది. చివర్లో కుర్చీలో బుక్ చదువుతున్న శ్రీ లీలను స్టన్నింగ్ లుక్ లో చూపించారు మేకర్స్.

అయితే గ్లింప్స్ లో శ్రీ లీల అదరగొట్టేసింది. గ్లామరస్ గా ఫిదా చేసింది. లేడీ బాస్ రోల్ లో ఆకట్టుకునేటట్లు కనిపిస్తోంది. ప్రస్తుతం ఆమె గ్లింప్స్ సోషల్ మీడియాలో వైరల్ గా మారింది. శ్రీ లీల అదుర్స్ అని నెటిజన్లు కామెంట్లు పెడుతున్నారు. రష్మిక ఈ ప్రాజెక్ట్ నుంచి తప్పుకున్నాక శ్రీ లీలనే హీరోయిన్ అని ఎప్పటి నుంచో వార్తలు వస్తున్నాయి. ఇప్పుడు అవే నిజమయ్యాయి. డిసెంబర్ 20వ తేదీన రిలీజ్ కానున్న ఈ సినిమా ఎలాంటి హిట్ అవుతుందో వేచి చూడాలి.