SSMB29 లో ఆ త్రయం..దుమ్ము దుమార‌మే!

ఎస్ ఎస్ ఎంబీ 29 రాజ‌మౌళి ద‌ర్శ‌క‌త్వంలో రెగ్యుల‌ర్ షూటింగ్ మొద‌లైన సంగ‌తి తెలిసిందే. ఇప్ప‌టికే ప‌ది రోజుల షూటింగ్ కూడా పూర్తి చేసారు. ఇందులో మ‌హేష్ పై స‌న్నివేశాలు చిత్రీక‌రించారు. మార్చి నుంచి రెగ్యుల‌ర్ షూటింగ్ గ్యాప్ లేకుండా మొద‌లు పెట్ట‌డానికి స‌న్నాహాలు చేస్తున్నారు. రామోజీ ఫిలిం సిటీ, అల్యుమినియం ఫ్యాక్ట‌రీ స‌హా హైద‌రాబాద్ ప‌రిస‌రాల్లో అవ‌స‌ర‌మైన అమెజాన్ అడ‌వుల సెట్లు వేస్తున్నారు.

సెట్ల నిర్మాణానికే కోట్ల రూపాయ‌లు ఖర్చు చేస్తున్నారు. ఇక హీరోయిన్ గా ఇప్ప‌టికే గ్లోబ‌ల్ బ్యూటీ ప్రియాంక చోప్రా ఖ‌రారైన‌ట్లు తెలుస్తోంది. ఈ నేప‌థ్యం లో ఓ కీల‌క మైన పాత్ర కోసం మ‌ల‌యాళ న‌టుడు పృధ్వీరాజ్ సుకుమార‌న్ ని రంగంలోకి దించే ప్ర‌య‌త్నా లు జ‌రుగుతున్నాయి. ఈ విష‌యాన్ని పృధ్వీ కూడా క‌న్ప‌మ్ చేసారు. మేక‌ర్స్ చ‌ర్చ‌లు జ‌రుపుతున్నార‌ని..కానీ ఇంకా క‌న్ప‌మ్ కాలేద‌ని స్వ‌యంగా ఆయ‌నే చెప్పారు.

అయితే ఇదే పాత్ర కోసం  జాన్ అబ్ర‌హం పేరును ప‌రిశీ లించిన‌ట్లు వార్త‌లొచ్చాయి. ఈనేప‌థ్యంలో తాజాగా మ‌రో బాలీవుడ్ న‌టుడు పేరు కూడా తెర‌పైకి వ‌స్తోంది. యాక్ష‌న్ ప్యాక్డ్ స్టార్ టైగ‌ర్ ష్రాప్ ని జ‌క్క‌న్న బ‌రిలోకి దించుతున్నాడ‌నే ఓ వార్త వినిపిస్తుంది. అయితే టైగ‌ర్ ని రంగంలోకి దించ‌డం అన్న‌ది అత‌డి కోసం ప్ర‌త్యేక‌మైన పాత్ర ఏదైనా ఉందా? లేక పృధ్వీరాజ్ సుకుమార్ స్థానంలో టైగ‌ర్ ని దించుతున్నారా? అన్న దానిపై గంద‌ర‌గోళం నెల‌కొంది.

ఎందుకంటే? అదే పాత్ర‌కు జాన్ కంటే ముందు పృధ్వీ పేరు ప‌రిశీల‌న‌కు వ‌చ్చింది. పోనీ పృధ్వీని క‌న్ప‌మ్ చేసుకుందాం? అన్నా? అత‌డితో ఇంకా చ‌ర్చ‌లే న‌డుస్తున్నాయి. ఈ నేప‌థ్యంలో ఇంత మంది పేర్లు తెర‌పైకి వ‌స్తున్నాయా? లేక టైగ‌ర్ ని స‌ప‌రేట్ రోల్ డిజైన్ చేసారా? అన్న‌ది స‌స్పెన్స్ గా మారింది . ఒక వేళ టైగ‌ర్, జాన్, పృధ్వీ ఉంటే? గ‌నుక సినిమాకి మ‌రింత రీచ్ దొరుకుతుంది. జ‌క్క‌న్న ఈ చిత్రాన్ని పాన్ ఇండియాని దాటి పాన్ వ‌ర‌ల్డ్ లోనే ప్లాన్ చేస్తోన్న నేప‌థ్యంలో ముగ్గురు భాగ‌మైనా ఆశ్చ‌ర్య‌పోవాల్సిన ప‌నిలేదు. మ‌రి రాజ‌మౌళి మైండ్ లో ఏముందో? ఆ పెరుమాళ్లకే తెలియాలి.