సాయి పల్లవితో ఆ హీరో.. సెట్టయితే క్రేజీ కాంబో

ప్రేమమ్ మూవీతో మలయాళంలో హీరోయిన్ గా అడుగుపెట్టి తరువాత ఫిదా సినిమాతో తెలుగు వారికి దగ్గరైన అందాల భామ సాయి పల్లవి. ఈ రెండు సినిమాలతో సాయి పల్లవి సౌత్ లో విపరీతమైన ఫ్యాన్ ఫాలోయింగ్ సొంతం చేసుకుంది. తన డాన్స్ తో పాటు అద్భుతమైన పెర్ఫార్మెన్స్ తో ఆకట్టుకొని యూత్ క్రష్ గా మారిపోయింది. ఫిదా తర్వాత సాయి పల్లవి స్టార్ హీరోయిన్ అయిపోతుందని అందరూ భావించారు.

అందుకు తగ్గట్లుగానే అమ్మడుకి అవకాశాలు వెతుక్కుంటూ వచ్చాయి. అయితే సాయి పల్లవి మాత్రం సెలక్టివ్ గా ప్రాధాన్యత బట్టి కథలు ఎంపిక చేసుకొని మూవీస్ చేస్తూ వచ్చింది. కథ నచ్చితే హీరో ఎవరనేది కూడా పట్టించుకోకుండా సాయి పల్లవి సినిమాలు చేసింది. తెలుగులో ఆమె చివరిగా విరాటపర్వం సినిమాలో కనిపించింది. తరువాత తమిళంలో చేసిన ఫీమేల్ సెంట్రిక్ మూవీ గార్గితో అలరించింది.

చివరిగా శివకార్తికేయన్ అమరన్ మూవీలో సాయి పల్లవి కనిపించింది. రెండేళ్ల గ్యాప్ తర్వాత ఈ డాన్సింగ్ క్వీన్ తండేల్ మూవీ తెలుగులో చేస్తోంది. నాగ చైతన్యకి జోడీగా ఈ చిత్రంలో నటిస్తోంది. ఇదిలా ఉంటే ఇప్పుడు మరో ఇంటరెస్టింగ్ ప్రాజెక్ట్ కోసం సాయి పల్లవిని సంప్రదిస్తున్నారంట. దిల్ రాజు ప్రొడక్షన్ లో విజయ్ దేవరకొండ హీరోగా రాజ్ కిరణ్ కోలా దర్శకత్వంలో ఒక మూవీ తెరకెక్కనుంది.

ఈ మూవీ కథ యాక్షన్ బ్యాక్ డ్రాప్ లో ఉండబోతోందని తెలుస్తోంది. ఈ చిత్రంలో విజయ్ కి జోడీగా సాయి పల్లవిని హీరోయిన్ గా తీసుకోవాలని అనుకుంటున్నారంట. దర్శకుడు రవికిరణ్ సాయి పల్లవిని దృష్టిలో ఉంచుకొని ఆ క్యారెక్టర్ ని రాసుకున్నాడంట. దిల్ రాజు ప్రొడక్షన్ లో సాయి పల్లవి ఫిదా మూవీతో టాలీవుడ్ ఎంట్రీ ఇచ్చింది. అలాగే ఎంసీఏ మూవీతో మరో హిట్ అందుకుంది. విజయ్ మూవీకి ఒకే చెబితే దిల్ రాజు ప్రొడక్షన్ లో సాయి పల్లవికి ఇది హ్యాట్రిక్ మూవీ అవుతుంది.

దిల్ రాజు ఆమె డేట్స్ కోసం ప్రస్తుతం సంప్రదిస్తున్నారంట. కథ నచ్చితే సాయి పల్లవి కూడా ఒకే చెప్పే ఛాన్స్ ఉంది. అయితే ప్రస్తుతం సాయి పల్లవి హిందీలో ఎంట్రీ ఇచ్చి అమీర్ ఖాన్ తనయుడితో ఒక మూవీ చేస్తోంది. అలాగే పాన్ ఇండియా మూవీ రామాయణంలో సీతగా నటించబోతోంది. ఈ మూవీ షూటింగ్ కంప్లీట్ కావడానికి రెండేళ్లయిన పట్టొచ్చు. ఇలాంటి పరిస్థితిలో సాయి పల్లవి విజయ్ కోసం డేట్స్ అడ్జస్ట్ చేసుకొని జోడీ కట్టడానికి ఒకే చెబుతుందా అనేది చూడాలి. ఒక వేళ వీరిద్దరి కాంబోలో మూవీ స్తే మాత్రం కచ్చితంగా అది క్రేజీ ప్రాజెక్ట్ అయ్యే ఛాన్స్ ఉంటుందని సినీ విశ్లేషకులు అంటున్నారు.