మరో క్రేజీ ప్రాజెక్ట్ లో సమంత

ది ఫ్యామిలీ మెన్ 2 వెబ్ సిరీస్ తో సౌత్ ఇండియా స్టార్ హీరోయిన్ సమంత డిజిటల్ ఎంట్రీ ఇచ్చింది. ఈ వెబ్ సిరీస్ లో ఆమె నెగిటివ్ షేడ్స్ ఉన్న క్యారెక్టర్ చేసింది. అయిన ప్రేక్షకులకి బాగా కనెక్ట్ అయ్యింది. సమంత బోల్డ్ పెర్ఫార్మెన్స్ తో అందరికి రీచ్ అయ్యింది. రాజ్ అండ్ డీకే సంయుక్తంగా ది ఫ్యామిలీ మెన్ ఫ్రాంచైజ్ లో సిరీస్ 2 గా దీనిని చేశారు. ఈ వెబ్ సిరీస్ తర్వాత అదే దర్శకులతో సమంత సిటాడెల్ ఇండియన్ వెర్షన్ వెబ్ సిరీస్ కూడా చేసింది.

ఈ వెబ్ సిరీస్ పోస్ట్ ప్రొడక్షన్ దశలో ఉంది. అలాగే వారితో ది ఫ్యామిలీ మెన్ ఫ్రాంచైజ్ నెక్స్ట్ సీజన్ లో కూడా భాగం కావాలని సమంత భావిస్తోంది. అయితే రాజ్ అండ్ డీకే దానికంటే ముందుగా మరో క్రైమ్ థ్రిల్లర్ వెబ్ సిరీస్ ని ఎనౌన్స్ చేశారు. రక్తబీజ్ టైటిల్ తో ఈ వెబ్ సిరీస్ తెరకెక్కనుంది. ఇందులో ఆదిత్య రాయ్ కపూర్ మెయిన్ లీడ్ గా చేస్తున్నాడంట.

ఈ వెబ్ సిరీస్ లో నటించడానికి సమంత గ్రీన్ సిగ్నల్ ఇచ్చిందంట. ఇంటరెస్టింగ్ కాన్సెప్ట్ తో వెబ్ సిరీస్ ఉండబోతోందని తెలుస్తోంది. అయితే ఇందులో సమంత చేయబోయే పాత్ర ఏంటనేది రివీల్ కాలేదు. ఇలా వరుస వెబ్ సిరీస్ ల ద్వారా సమంత బాలీవుడ్ లో మార్కెట్ క్రియేట్ చేసుకుంటుంది. సినిమాలలో కూడా ఎంట్రీ ఇవ్వాలని అనుకుంటుంది. అయితే సరైన ప్రాజెక్ట్ పడటం లేదు. ఇక ఆదిత్య రాయ్ కపూర్ ది నైట్ మేనేజర్ వెబ్ సిరీస్ తో డిజిటల్ ఎంట్రీ ఇచ్చాడు.

అతనికి ఇది సెకండ్ వెబ్ సిరీస్ కావడం విశేషం. గత ఏడాది గుమ్రా మూవీతో ప్రేక్షకుల ముందుకి వచ్చాడు. ప్రస్తుతం మెట్రో అనే సినిమా చేస్తున్నాడు. ఈ మూవీ షూటింగ్ దశలో ఉంది. ఇందులో ఆదిత్య రాయ్ కి జోడీగా సారా అలీఖాన్ నటిస్తోంది. మరో వైపు సమంత సిటాడెల్ కంప్లీట్ చేసిన తర్వాత తన ప్రొడక్షన్ లోనే బంగారం అనే మూవీని ఎనౌన్స్ చేసింది. ఈ సినిమా ప్రీప్రొడక్షన్ దశలో ఉన్నట్లు తెలుస్తోంది.

అలాగే మరికొన్ని ప్రాజెక్ట్స్ కూడా చర్చల దశలో ఉన్నాయంట. కొద్ది రోజుల క్రితం షారుఖ్ ఖాన్ సినిమాలో సమంత నటించబోతోందనే ప్రచారం జరిగింది. అయితే ఇందులో ఎలాంటి వాస్తవం లేదని తేలిపోయింది. హిందీలో డెబ్యూ మూవీ కోసం సమంత వెయిట్ చేస్తోంది. మంచి కథతో గ్రాండ్ ఎంట్రీ ఇవ్వాలని ఆలోచిస్తోంది.