హాట్ బ్యూటీ మరోసారి అత‌డితో!
పారా అథ్లెట్ జీవిత క‌థ ఆధారంగా తెర‌కెక్కిన సినిమా భారీ అంచ‌నాల మ‌ధ్య రిలీజ్ అయిన యార‌వేజ్ గా ఆడింది.
ముంబై బ్యూటీ సయామీ ఖేర్ తెలుగు ప్రేక్ష‌కుల‌కు సుప‌రిచిత‌మే. `రేయ్` సినిమాతో ఎంట్రీ ఇచ్చిన అమ్మ‌డు అటుపై ఐదారేళ్ల గ్యాప్ త‌ర్వాత `వైల్డ్ డాగ్`..`హైవే`లాంటి చిత్రాల్లో న‌టించింది. తొలి సినిమా ఫ‌లితం త‌ర‌హాలోనే వీటి ఫ‌లితాలు అమ్మ‌డిని మరోసారి నిరాశ‌ప‌రిచాయి. మ‌ధ్య‌లో కొన్ని హిందీ..మరాఠీ సినిమాలు చేసింది. అక్క‌డే అమ్మ‌డు నిల‌దొక్కుకుంటుంది. గ‌తేడాది `ఘూమ‌ర్` అనే హిందీ సినిమాతో ప్రేక్ష‌కుల ముందుకొచ్చింది.
పారా అథ్లెట్ జీవిత క‌థ ఆధారంగా తెర‌కెక్కిన సినిమా భారీ అంచ‌నాల మ‌ధ్య రిలీజ్ అయిన యార‌వేజ్ గా ఆడింది. ఆ త‌ర్వాత అమ్మ‌డి నుంచి ఎలాంటి అప్ డేట్ లేదు. గ‌త ఏడాది చివ‌ర్లోనైనా కొత్త ప్రాజెక్ట్ ల గురించి రివీల్ చేస్తుంద‌నుకున్నా ఎలాంటి ప్ర‌క‌ట‌న లేదు. దీంతో స‌యామీఖేర్ మ‌ళ్లీ పోటీ రేసులో వెనుకబడుతోందా? అన్న స‌న్నివేశం క‌నిపిస్తోంది. అయితే ఆమె కోసం నేను ఉన్నాను అంటూ మరోసారి అనురాగ్ క‌శ్య‌ప్ ముందుకొచ్చాడు.
అమ్మడితో ఓ స‌స్పెన్స్ థ్రిల్ల‌ర్ క‌థాంశంతో ఓ ప్రాజెక్ట్ నిర్మించ‌డానికి ముందుకొచ్చాడు. త్వ‌ర‌లోనే ఈ ప్రాజెక్ట్ కి సంబంధించిన పూర్తి వివ‌రాలు అధికారికంగా ప్ర‌క‌టించ‌నున్నట్లు తెలుస్తోంది. గ‌తంలో సయామీ ఖేర్ ఇలా అవ‌కాశాలు లేని స‌మ‌యంలోనే `చోక్డ్` లో అవ‌కాశం క‌ల్పించాడు అనురాగ్. అది మంచి విజ‌యం సాధించింది. దాంతో సయామీ ఖేర్ బాలీవుడ్ లో న‌టిగా బిజీ అయింది. కానీ మ‌ళ్లీ వైఫ‌ల్యాల‌తో ఖాళీ అయిన నేప‌థ్యంలో మరోసారి అనురాగ్ త‌న సినిమాలో అవ‌కాశం క‌ల్పించ‌డం విశేషం.
ప్ర‌స్తుతం వీళ్లిద్ద‌రు ఆస్ట్రేలియాలోని మెల్ బోర్న్ లో ఉన్నారు. అక్క‌డ జ‌రుగుతోన్న ఓ ఫిల్మ్ పెస్టివ‌ల్స్ లో పాల్గొన్నారు. అక్క‌డే సయామీ ఖేర్ న‌టించిన ఘూమ‌ర్ ప్ర‌ద‌ర్శించారు. ఈ నేప‌థ్యంలోనే అక్క‌డ నుంచి తాజా అప్ డేట్ బ‌య‌ట‌కు వ‌చ్చింది. మొత్తానికి స‌యామీఖేర్ కి అనురాగ్ మ‌ళ్లీ అవ‌కాశం క‌ల్పించ‌డం విశేషం.