ఈ తమ్ముడు ఆ తమ్ముడు అవ్వగలడా..?

నితిన్ హీరోగా ఆ ప్రొడక్షన్ లో ఆస్థాన దర్శకుడిగా కొనసాగుతున్న వేణు శ్రీరామ్ డైరెక్షన్ లో ఓ సినిమా వస్తుంది. ఈ సినిమాకు సంబంధించిన పూజా కార్యక్రమాలు రీసెంట్ గా జరిగాయి. ఈ సినిమాకు టైటిల్ గా తమ్ముడు అని ఫిక్స్ చేసినట్టు తెలుస్తుంది. ఈమధ్య పవన్, చిరు టైటిల్స్ తో యువ హీరోల సినిమాలు వస్తున్నాయి. చిరు ఖైదీ టైటిల్ తో కార్తీ సినిమా రాగా విజయ్ దేవరకొండ హీరోగా శివ నిర్వాణ డైరెక్షన్ లో ఖుషి సినిమా వస్తున్న విషయం తెలిసిందే. ఇప్పుడు లేటెస్ట్ గా పవర్ స్టార్ సూపర్ హిట్ సినిమా తమ్ముడు టైటిల్ ని నితిన్ కోసం వాడేస్తున్నారు.

పవర్ స్టార్ ఫ్యాన్ గా నితిన్ ఇప్పటికే ఆయన సినిమాల్లోని పాటలని తన సినిమాల్లో పెడుతున్నాడు. ఇక ఇప్పుడు ఏకంగా పవన్ సూపర్ హిట్ టైటిల్ ని కూడా వాడుతున్నాడు. సినిమా కథకు తగినట్టుగా టైటిల్ కూడా ఒక పాజిటివ్ యాస్పెక్ట్ అని చెప్పొచ్చు. ముఖ్యంగా ఆ టైటిల్ చూసే ప్రేక్షకులు సినిమాకు వస్తారు. ఈమధ్య టైటిల్స్ విషయంలో కొంత నెగ్లిజెసీ ఏర్పడినా మళ్లీ ఆడియన్స్ ని ఎట్రాక్ట్ చేసేందుకు టైటిల్స్ మీద దృష్టి పెడుతున్నారు.

అప్పట్లో యూత్ ఆడియన్స్ కి పవన్ సినిమాలు అన్నా ఆయన సినిమా టైటిల్స్ అన్నా కూడా విపరీతమైన క్రేజ్ ఉంటుంది. ఈ క్రమంలో ఆయన టైటిల్స్ ని ఇప్పటి యూత్ కి కనెక్ట్ అయ్యేలా సినిమాలు చేయాలని చూస్తున్నారు మేకర్స్. పవర్ స్టార్ సూపర్ హిట్ సినిమా టైటిల్ తమ్ముడు టైటిల్ ని ఆయన సూపర్ ఫ్యాన్ నితిన్ వాడేస్తున్నాడు. వేణు శ్రీరామ్ ఆల్రెడీ పవన్ తో కూడా వకీల్ సాబ్ సినిమా చేశాడు. పవన్ సినిమా తర్వాత మళ్లీ ఆయన టైటిల్ తోనే తన నెక్స్ట్ సినిమా చేస్తున్నాడు డైరెక్టర్ వేణు శ్రీరామ్.

పవన్ కళ్యాణ్ టైటిల్స్ ట్రెండ్ నడుస్తుంది. ఖుషి త్వరలో రిలీజ్ అవుతుండగా ఇప్పుడు నితిన్ కూడా తమ్ముడు టైటిల్ తో మరోసారి పవర్ స్టార్ ఫ్యాన్స్ ని టార్గెట్ చేస్తున్నాడు. ఈ సినిమా ను అసలైతే న్యాచురల్ స్టార్ నాని చేయాల్సిందని టాక్.

నాని ఈ సినిమా ఎందుకు కాదన్నాడు అన్నది తెలియదు కానీ నితిన్ మాత్రం ఈ సినిమా చేయడం ఫ్యాన్స్ కి జోష్ అందిస్తుంది. పవర్ స్టార్ టైటిల్ తో వస్తున్న నితిన్ సినిమా తో ఎలాంటి ఫలితాన్ని అందుకుంటాడో చూడాలి.