టాలీవుడ్ నిర్మాత క‌న్నుమూత‌!

సూపర్‌స్టార్ మహేశ్ మేనమామ, ప్రముఖ నిర్మాత ఉప్పాలపాటి సూర్యనారాయణ బాబు(74) కన్ను మూశారు. గత కొన్నిరోజులుగా అనారోగ్య సమస్యలతో బాధపడుతున్న ఈయన ఆదివారం హైదరా బాద్‌లోని అపోలో ఆస్పత్రిలో తుదిశ్వాస విడిచారు. ఈ క్రమంలోనే పలువురు సినీ ప్రముఖులు సంతాపం తెలియజేస్తున్నారు. ఈ క్ర‌మంలో ప‌లువురు సినీ, రాజ‌కీయ ప్ర‌ముఖులు సోష‌ల్ మీడియా వేదిక‌గా సంతాంపం తెలుపుతున్నారు. సూప‌ర్ స్టార్ కృష్ణ‌కు...సూర్య‌నారాయ‌ణ‌బాబు వ‌రుస‌కు బావ అవుతారు.

కృష్ణ రెండ‌వ సోద‌రి ల‌క్ష్మి తుల‌సి భర్త సూర్య‌నార‌య‌ణ‌బాబు. ఈ దంప‌తుల‌కు కుమారుడు, కుమార్తె గ‌ల‌రు. వీరి స్వ‌స్థ‌లం కృష్ణా జిల్లా పామ‌ర్రు మండ‌లం రిమ్మ‌న‌పూడి గ్రామం. సూర్యానారాయ‌ణ బాబు పద్మావతి ఫిలిమ్ బ్యానర్ పై తెలుగు, హిందీ, కన్నడ భాషల్లో దాదాపు 24 చిత్రాలు నిర్మించారు. `మనుషులు చేసిన దొంగలు`, `దొంగల దోపిడి`, `సంద్యా`, `బజారు రౌడీ` వంటి సూపర్ హిట్ చిత్రాలు ఆయ‌నే నిర్మించారు.

ఆ తర్వాత 1985 లో రాజకీయాల్లోకి వ‌చ్చారు. అప్ప‌ట్లో గుడివాడ నియోజకవర్గం నుంచి ఎన్టీఆర్ పై పోటీ చేసి ఓడిపోయారు. ఆ తర్వాత టీడీపీలో చేరి పలు బాధ్యతలు నిర్వహించారు. సూర్యనారాయణ బాబు మరణంపై సినీ ప్రముఖులు ఘన నివాళులర్పిస్తున్నారు. ఆయ‌న‌తో ఉన్న అనుబంధాన్నిప‌లువురు నిర్మాత‌లు గుర్తు చేసుకుంటున్నారు. సూర్య‌నారాయ‌ణ బాబు సినిమా, రాజ‌కీయా రంగాల‌కు చాలా కాలంగా దూరంగా ఉంటున్నారు. ఆయ‌న పిల్ల‌లు ఎవ‌రూ కూడా సినీ రంగంలో లేన‌ట్లు తెలుస్తుంది.