1000 కోట్లకి గురిపెట్టిన త్రివిక్రమ్

మాటల మాంత్రికుడు త్రివిక్రమ్ శ్రీనివాస్ గురించి ప్రత్యేకంగా పరిచయం చేయాల్సిన అవసరం లేదు. ఆయన సినిమాలకి సంభాషణలే బలం. అలాగే త్రివిక్రమ్ సినిమాలలో హీరో క్యారెక్టర్స్ ఇతిహాసాలు రిఫరెన్స్ తోనే ఉంటాయి. అలాగే సంభాషణలలో కచ్చితంగా రామాయణం, మహాభారతం ఇతిహాసాలని టచ్ చేస్తాడు. అందుకే జనాల్లోకి త్రివిక్రమ్ శ్రీనివాస్ డైలాగ్స్ బలంగా వెళ్లిపోయాయి. త్రివిక్రమ్ శ్రీనివాస్ నుంచి వచ్చిన సినిమాలలో ఒక్క గుంటూరు కారం, అజ్ఞాతవాసి తప్ప మిగిలినవన్నీ ప్రేక్షకులకి కనెక్ట్ అయ్యాయి.

'గుంటూరు కారం' సినిమాని కమర్షియల్ ఎంటర్టైనర్ గా చెప్పాలని ప్రయత్నం చేసి విఫలం అయ్యారు. ఇదిలా ఉంటే మాటల మాంత్రికుడు త్రివిక్రమ్ నెక్స్ట్ ఐకాన్ స్టార్ అల్లు అర్జున్ తో సినిమా చేయడానికి రెడీ అవుతున్నారు. అయితే ఇప్పటి వరకు సోషల్ కాన్సెప్ట్ లతో మూవీస్ చేసిన త్రివిక్రమ్ ఈ సారి మాత్రం పాన్ ఇండియా రేంజ్ లో భారీ బడ్జెట్ తో మూవీ చేయబోతున్నాడంట. అది కూడా భారతీయ ఇతిహాసాల నుంచి కథని తీసుకొని దృశ్యరూపం చెప్పడానికి త్రివిక్రమ్ సిద్ధం అవుతున్నారంట.

హారికా అండ్ హాసిని ఈ చిత్రాన్ని భారీ బడ్జెట్ తో నిర్మించబోతున్నట్లు తెలుస్తోంది. ఇప్పటికే ఈ మూవీ స్క్రిప్ట్ వర్క్ ని త్రివిక్రమ్ శ్రీనివాస్ స్టార్ట్ చేసాడంట. మాటల మాంత్రికుడికి ఇతిహాసాల మీద మంచి పట్టుందని అయన కథలు, డైలాగ్స్ చూస్తేనే తెలిసిపోతుంది. అలాంటి ఏకంగా ఇతిహాసాలలో కథని తెరపై ఆవిష్కరిస్తే ఆయన నుంచి బెస్ట్ అవుట్ ఫుట్ ఎక్స్ పెక్ట్ చేయొచ్చని సినీ విశ్లేషకులు అంటున్నారు.

ఈ సినిమాతో త్రివిక్రమ్ శ్రీనివాస్ ఏకంగా 1000 కోట్ల కలెక్షన్స్ ని టార్గెట్ గా పెట్టుకున్నట్లు టాక్ వినిపిస్తోంది. ఐకాన్ స్టార్ ‘పుష్ప ది రూల్’ మూవీ షూటింగ్ కంప్లీట్ అయిన తర్వాత ఈ త్రివిక్రమ్ మూవీపై అఫీషియల్ కన్ఫర్మేషన్ ఉంటుందని సమాచారం. ఇప్పటికే అల్లు అర్జున్ కి త్రివిక్రమ్ శ్రీనివాస్ జులాయి, సన్నాఫ్ సత్యమూర్తి, అల వైకుంఠపురంలో సినిమాలతో హ్యాట్రిక్ హిట్స్ ఇచ్చారు.

‘అల వైకుంఠపురంలో’ సినిమా అయితే రీజనల్ లాంగ్వేజ్ పరంగా హైయెస్ట్ కలెక్షన్స్ సాధించిన సినిమాల జాబితాలో టాప్ ఉంది. బన్నీ కెరియర్ లో బ్లాక్ బెస్ట్ మూవీస్ లో ఇది కూడా ఒకటి. ఈ సారి అంతకుమించి పాన్ ఇండియా రేంజ్ లో అల్లు అర్జున్ కి త్రివిక్రమ్ శ్రీనివాస్ సక్సెస్ ఇస్తారని ఆయన ఫ్యాన్స్ అంచనా వేస్తున్నారు.