వెంకీమామ విశ్వరూపం ప్లాన్‌ చేస్తున్న రావిపూడి

వెంకటేష్ హీరోగా అనిల్ రావిపూడి దర్శకత్వంలో ఒక సినిమా ఇప్పటికే ప్రకటన వచ్చింది. ఇటీవలే షూటింగ్ కార్యక్రమాలు కూడా మొదలు అయ్యాయి. సినిమాను కేవలం నాలుగు నెలల్లో పూర్తి చేసి 2025 సంక్రాంతికి ప్రేక్షకుల ముందుకు తీసుకు వచ్చే విధంగా దర్శకుడు అనిల్ రావిపూడి ప్లాన్‌ చేస్తున్నాడు.

ఇప్పటికే సంక్రాంతి రిలీజ్ పై అధికారిక ప్రకటన చేసిన రావిపూడి కథ మరియు కథనం విషయంలో చాలా జాగ్రత్తలు తీసుకుంటున్నట్లు తెలుస్తోంది. ఎఫ్‌ 2 మరియు ఎఫ్‌ 3 సినిమాల కోసం ఇప్పటికే వెంకటేష్ తో అనిల్ రావిపూడి వర్క్ చేసిన అనుభవం ఉంది. వెంకీని ఎలా చూపిస్తే ప్రేక్షకులు నచ్చుతారు అనే స్పష్టత దర్శకుడికి ఉంది.

అందుకే వెంకటేష్ తో పక్కా కమర్షియల్‌ ఎంటర్‌టైనర్‌ ను అనిల్ రావిపూడి ప్లాన్‌ చేస్తున్నాడట. కాస్త వయసుకు తగ్గ పాత్ర లో వెంకీ నటించడంతో పాటు, యూత్‌ ఆడియన్స్ కి కూడా కనెక్ట్‌ అయ్యే కంటెంట్‌ తో నవ్విస్తాడట. మొత్తానికి ఈ సినిమాలో వెంకటేష్ యొక్క విశ్వరూపం చూపించడం ద్వారా కామెడీ పండించబోతున్నారని తెలుస్తోంది.

వెంకటేష్ గత చిత్రం సైంధవ్ తీవ్రంగా నిరాశ పరిచిన నేపథ్యంలో ఆయన అభిమానులతో పాటు ఇండస్ట్రీ వర్గాల వారు ఈ సినిమా కోసం ఎంతో ఆసక్తిగా ఎదురు చూస్తున్నారు. దిల్‌ రాజు ఈ సినిమాను ప్రతిష్టాత్మంగా తీసుకుని నిర్మిస్తున్నాడు.

2025 సంక్రాంతికి చిరంజీవి విశ్వంభర సినిమా విడుదల అవ్వబోతున్న విషయం తెల్సిందే. ఒక్కటి రెండు రోజుల గ్యాప్‌ తో వెంకీ సినిమా కూడా అదే సంక్రాంతికి ప్రేక్షకుల ముందుకు రాబోతున్న నేపథ్యంలో అందరి దృష్టి ఈ సినిమాపై ఉంది. నిజంగానే విశ్వంభర కి పోటీ ఇచ్చేంత మూవీని అనిల్ రావిపూడి ఇస్తాడా అంటే కచ్చితంగా ఇస్తాడు అనే నమ్మకం చాలా మంది వ్యక్తం చేస్తున్నారు.