పిక్‌టాక్ : కొత్త దంపతులను ఆశీర్వదించిన దేవరకొండ ఫ్యామిలీ
దేవరకొండ ఫ్యామిలీ మొత్తం ఈ పెళ్లిలో సందడి చేయడంతో ఆ ఫోటోలు వైరల్‌ అవుతున్నాయి.
వివాదాల దర్శకుడు రామ్‌ గోపాల్‌ వర్మ మేనకోడలు శ్రావ్య వర్మ వివాహం బ్యాడ్మింటన్‌ స్టార్‌ కిదాంబి శ్రీకాంత్‌తో వైభవంగా జరిగింది. సినిమా ఇండస్ట్రీలో ఫ్యాషన్ డిజైనర్‌గా, పలువురు స్టార్స్‌కి పర్సనల్ స్టైలిస్ట్‌గా వ్యవహరిస్తున్న శ్రావ్య వర్మ వివాహంకు సినీ ప్రముఖులు పలువురు హాజరు అయ్యారు. ఈ పెళ్లిలో విజయ్ దేవరకొండ ఫ్యామిలీ మెంబర్స్ ప్రత్యేక ఆకర్షణగా నిలిచారు. దేవరకొండ ఫ్యామిలీ మొత్తం ఈ పెళ్లిలో సందడి చేయడంతో ఆ ఫోటోలు వైరల్‌ అవుతున్నాయి. సాధారణంగా దేవరకొండ ఫ్యామిలీ మొత్తం ఇలా పెళ్లికి కలిసి వెళ్లడం చాలా అరుదుగా జరుగుతుందని, వీరి పెళ్లి చాలా స్పెషల్‌ కనుకే వెళ్లారనే టాక్‌ వినిపిస్తుంది.
విజయ్ దేవరకొండ, ఆనంద్ దేవరకొండలు సేమ్ ఔట్ ఫిట్‌లో కనిపించారు. అలాగే వారి తల్లిదండ్రులు సైతం మ్యాచింగ్‌ అన్నట్లుగా కనిపించారు. మొత్తానికి దేవరకొండ ఫ్యామిలీ మొత్తం ఇలా శ్రావ్య వర్మ, కిదాంబి శ్రీకాంత్‌ల పెళ్లిలో కనిపించడంతో ఈ ఫోటోలు వైరల్‌ అవుతున్నాయి. దేవరకొండ ఫ్యామిలీకి కిదాంబి తో పాటు శ్రావ్య వర్మ సైతం అత్యంత సన్నిహితులు కావడం వల్లే ఫ్యామిలీ అంతా కలిసి పెళ్లికి హాజరు అయ్యారని సోషల్‌ మీడియాలో టాక్‌ వినిపిస్తోంది. వీరు మాత్రమే కాకుండా ఈ పెళ్లికి పలువురు సినిమా తారలు హాజరు కావడంతో వారికి సంబంధించిన ఫోటోలు, వీడియోలు సైతం నెట్టింట సందడి చేస్తున్నాయి.
రామ్‌ గోపాల్‌ వర్మ పెళ్లికి హాజరు అయ్యారా అంటూ పలువురు సోషల్‌ మీడియా ద్వారా తెలుసుకునేందుకు ప్రయత్నిస్తూ ఉన్నారు. ఆయన ఇలాంటి కార్యక్రమాలకు హాజరు కాడని కొందరు అభిప్రాయం వ్యక్తం చేస్తూ ఉంటే, మేనకోడలు కోసం హాజరు అయ్యాడేమో అని కొందరు అంటున్నారు. ఫ్యామిలీ నుంచి ఈ విషయమై క్లారిటీ వస్తుందేమో చూడాలి. విజయ్ దేవరకొండ ఫ్యామిలీ హాజరుతో తెలుగు మీడియాలోనే కాకుండా జాతీయ మీడియాలోనూ వీరి పెళ్లి గురించి ప్రముఖంగా చర్చ జరుగుతోంది.
విజయ్ దేవరకొండ ప్రస్తుతం గౌతమ్‌ తిన్ననూరి దర్శకత్వంలో ఒక సినిమాను చేస్తున్నారు. ఆ సినిమా షూటింగ్‌తో చాలా బిజీగా ఉన్నప్పటికీ శ్రావ్య వర్మ, కిదాంబి శ్రీకాంత్‌ల వివాహంకు ఫ్యామిలీతో సహా హాజరు కావడంతో ఇండస్ట్రీలో అందరి దృష్టిని ఆకర్షించడం జరిగింది. గౌతమ్‌ తిన్ననూరి దర్శకత్వంలో విజయ్ దేవరకొండ చేస్తున్న సినిమా ఎప్పుడెప్పుడు వస్తుందా అంటూ ఫ్యాన్స్‌తో పాటు ప్రతి ఒక్కరు ఆసక్తిగా ఎదురు చూస్తున్నారు. ఆ సినిమా తర్వాత తనతో ట్యాక్సీవాలా సినిమాను రూపొందించిన రాహుల్ సంకృత్యాన్‌ దర్శకత్వంలో విజయ్ దేవరకొండ ఒక భారీ పీరియాడిక్‌ మూవీ చేయబోతున్నాడు. అందుకు సంబంధించిన ప్రీ ప్రొడక్షన్ వర్క్‌ జరుగుతుంది. ఇవే కాకుండా తరుణ్ భాస్కర్‌ దర్శకత్వంలోనూ విజయ్ దేవరకొండ సినిమా చేయాల్సి ఉంది.