విజయ్ సేతుపతి.. రేటు మళ్ళీ పెరుగుతోంది

సౌత్ ఇండియాలో టాలెంటెడ్ యాక్టర్ గా తనకంటూ ప్రత్యేకమైన గుర్తింపు సొంతం చేసుకున్న నటుడు విజయ్ సేతుపతి. క్యారెక్టర్ నచ్చితే ఇతర హీరోల సినిమాలలో కూడా చేయడానికి విజయ్ సేతుపతి సిద్ధంగా ఉంటాడు. హీరోగానే చేయాలనే రూల్స్ ఏమీ పెట్టుకోకుండా అన్ని భాషలలో మూవీస్ చేసుకుంటూ వెళ్లిపోతున్నారు వెళ్లిపోతున్నారు.

హిందీ విజయ్ సేతుపతి నటించిన మేరీ క్రిస్మస్ మూవీ సంక్రాంతికి రిలీజ్ అవుతోంది. ఈ సినిమాపై పెద్ద బజ్ ఏమీ లేదు. ఇదిలా ఉంటే తెలుగులో ఉప్పెన సినిమాతో విజయ్ సేతుపతి ఎంట్రీ ఇచ్చాడు. ఈ సినిమా బ్లాక్ బస్టర్ హిట్ అయ్యింది. తరువాత మరి ఏ సినిమా కూడా ఇప్పటి వరకు చేయలేదు. అయితే డబ్బింగ్ సినిమాల ద్వారా తెలుగు ఆడియన్స్ ని విజయ్ సేతుపతి పలకరిస్తూనే ఉన్నారు.

మరోసారి బుచ్చిబాబు తన సినిమా కోసం విజయ్ సేతుపతిని తీసుకోవడానికి ప్రయత్నం చేస్తున్నారు. గ్లోబల్ స్టార్ రామ్ చరణ్ హీరోగా బుచ్చిబాబు స్పోర్ట్స్ బ్యాక్ డ్రాప్ లో ఒక మూవీ చేయబోతున్నాడు. ఈ సినిమాకి ఏఆర్ రెహమాన్ మ్యూజిక్ డైరెక్టర్ గా ఖరారు అయ్యారు. కన్నడ స్టార్ శివరాజ్ కుమార్ కూడా ఓ పాత్ర కోసం ఎంపికయ్యారు.

ఇక మూవీలో ప్రతినాయకుడి పాత్ర కోసం విజయ్ సేతుపతిని బుచ్చిబాబు సంప్రదించారట. అయితే మూవీలో చేయడానికి విజయ్ సేతుపతి ఒకే చెప్పిన కూడా ఏకంగా 30 కోట్ల రెమ్యునరేషన్ డిమాండ్ చేశాడంట. ఆ స్థాయి అంటే టాలీవుడ్ లో టైర్ 2 హీరోలు అందుకుంటున్న రెమ్యునరేషన్ కంటే ఎక్కువ. అయితే విజయ్ సేతుపతికి ఆ స్థాయిలో రెమ్యునరేషన్ ఇవ్వడంపై చిత్ర నిర్మాతలు పునరాలోచనలో పడ్డట్లు తెలుస్తోంది.

ఓ విధంగా చెప్పాలంటే విజయ్ సేతుపతి తన రెమ్యునరేషన్ తో నిర్మాతలకి షాక్ ఇచ్చారని చెప్పాలి. రెమ్యునరేషన్ విషయంలోనే ఇప్పుడు నిర్మాతలు కాస్తా ఆలోచిస్తున్నారని టాక్. అతను ఉన్నా కూడా కోలీవుడ్ లో మూవీ పెద్దగా బిజినెస్ చేసే అవకాశాలు ఉండకపోవచ్చు. అలాంటి పరిస్థితిలో ఎంత వరకు విజయ్ అడిగిన రెమ్యునరేషన్ కి నిర్మాతలు ఒకే అంటారనేది చూడాలి.