వార్ 2: తారక్ జోడి ఎవరంటే?

జూనియర్ ఎన్టీఆర్ మొదటిసారి బాలీవుడ్ ఇండస్ట్రీలోకి వార్ 2 సినిమా ద్వారా అడుగు పెట్టబోతున్నాడు. హృతిక్ రోషన్ హీరోగా నటించిన వార్ సినిమాకు సీక్వెల్ గా రాబోతున్న ఈ ప్రాజెక్టుపై అంచనాలు అయితే మామూలుగా లేవు. బ్రహ్మాస్త్ర దర్శకుడు అయాన్ ముఖర్జీ దర్శకత్వంలో రూపొందుతున్న ఈ సినిమా షూటింగ్ కూడా ఇప్పటికే మొదలయ్యింది.

ఎన్టీఆర్ హృతిక్ రోషన్ ఇద్దరు షూటింగ్లో అయితే పాల్గొన లేదు. కానీ దర్శకుడు మాత్రం కొన్ని కీలకమైన సన్నివేశాలను షూట్ చేస్తున్నాడు. ఇక ఎన్టీఆర్ మాత్రం డిసెంబర్ నెలలో షూటింగ్లో పాల్గొనే అవకాశం ఉండటట్లుగా తెలుస్తోంది. అయితే పూర్తిస్థాయిలో నటీనటులు కూడా దర్శకుడు ఫిక్స్ చేసుకున్నట్లుగా తెలుస్తోంది.

ఇక ఎన్టీఆర్ నెగటివ్ షెడ్ లో పవర్ఫుల్ విలన్ గా కనిపిస్తాడు అని కూడా గాసిప్స్ వస్తున్నాయి. అతనికి జోడిగా బాలీవుడ్ హీరోయిన్ నటించబోతున్నట్లుగా తెలుస్తుంది. ఆమె మరెవరో కాదు ప్రస్తుతం రాంచరణ్ తో గేమ్ ఛేంజర్ లో నటిస్తున్న కీయరా అద్వానీ అని తెలుస్తుంది. ఈ బ్యూటీ ఇదివరకే తెలుగులో మహేష్ బాబుతో భరత్ అనే నేను, రామ్ చరణ్ తో వినయ విధేయ రామ.. సినిమాలలో నటించింది.

ఇక ఇప్పుడు రామ్ చరణ్ శంకర్ కాంబినేషన్లో రూపొందుతున్న గేమ్ ఛేంజర్ చేస్తోంది. వీటితోపాటు మరో తెలుగు సినిమాకు కూడా త్వరలో గ్రీన్ సిగ్నల్ ఇవ్వబోతోంది. ఇక జూనియర్ ఎన్టీఆర్ కు జోడిగా వార్ 2 సినిమాలో కూడా కనిపించబోతున్నట్లు సమాచారం. ఇకపై కీయరాతో పాటు ఎన్టీఆర్ కూడా డిసెంబర్లో రెగ్యులర్ షూటింగ్లో పాల్గొనే అవకాశం ఉందట. మరోవైపు జూనియర్ ఎన్టీఆర్ కొరటాల శివ దర్శకత్వంలో దేవర సినిమా చేస్తున్న విషయం తెలిసిందే.

ఈ సినిమా కూడా రెండు భాగాలుగా రాబోతుంది. ఇక అందులో హీరోయిన్ గా జాన్వీ కపూర్ నటిస్తున్న విషయం తెలిసిందే. బాలీవుడ్ ప్రముఖ నటుడు సైఫ్ అలీ ఖాన్ పవర్ఫుల్ విలన్ గా దేవరలో కనిపించబోతున్నాడు. రీసెంట్గా గోవాలో కీలకమైన షెడ్యూల్ కు పూర్తి చేసుకున్నారు. ఇక ఈ సినిమా షూటింగ్ ను వీలైనంత త్వరగా పూర్తిచేసి ఫిబ్రవరిలో రెగ్యులర్ ప్రమోషన్స్ స్టార్ట్ చేయబోతున్నారు. దేవర సినిమాను గ్రాండ్ గా ఏప్రిల్ మొదటి వారంలోనే విడుదల చేయబోతున్నారు.