టాక్సిక్ యశ్.. ఇది క్రేజీ లీక్
ఇలాంటి పరిస్థితుల్లో తాజాగా ఈ చిత్రంలో యశ్ ఎవరూ ఊహించని విధంగా ఓ పవర్‌ఫుల్ లాయర్ పాత్రను చేస్తున్నట్లు తెలిసింది.
కన్నడ చిత్ర పరిశ్రమలో సుదీర్ఘ కాలంగా వరుస విజయాలను అందుకుంటూ టాప్ హీరోగా వెలుగొందుతున్నాడు స్టైలిష్ హీరో యశ్. గతంలో ఎన్నో సూపర్ హిట్ చిత్రాల్లో నటించిన అతడు.. ఆ పరిశ్రమ వరకే పరిమితం అవ్వాల్సి వచ్చింది. అయితే, ప్రశాంత్ నీల్ తెరకెక్కించిన ‘కేజీఎఫ్’ సిరీస్ అన్ని భాషల్లోనూ భారీ విజయాన్ని దక్కించుకోవడంతో, అతడు కూడా దేశ వ్యాప్తంగా గుర్తింపు సంపాదించుకున్నాడు.
‘కేజీఎఫ్’ రెండు పార్టులతో పాన్ ఇండియా స్టార్‌గా మారిపోయిన యశ్.. ఇప్పుడు ‘టాక్సిక్’ అనే సినిమాను చేస్తున్న విషయం తెలిసిందే. మలయాళ నటి గీతూ మోహన్‌దాస్ దర్శకత్వంలో రూపొందుతోన్న ఈ చిత్రంపై అంచనాలు ఏ రేంజ్‌లో ఉన్నాయో ప్రత్యేకంగా చెప్పనక్కర్లేదు. అందుకు ఏమాత్రం తీసిపోని విధంగా ఈ సినిమాను అత్యంత భారీ బడ్జెట్‌తో పలు భాషల్లో ఎంతో ప్రతిష్టాత్మకంగా తీస్తున్నారు.
డిఫరెంట్ యాక్షన్ ఎంటర్‌టైనర్‌గా వస్తున్న ‘టాక్సిక్’ గురించి ఎన్నో రకాల వార్తలు వైరల్ అవుతూనే ఉన్నాయి. ముఖ్యంగా ఇందులో యశ్ మాఫియా డాన్ రోల్ చేస్తున్నాడని, అండర్ కవర్ ఆఫీసర్‌గా నటిస్తున్నాడని ఇలా రకరకాల ప్రచారాలు జరుగుతూనే ఉన్నాయి. ఇలాంటి పరిస్థితుల్లో తాజాగా ఈ చిత్రంలో యశ్ ఎవరూ ఊహించని విధంగా ఓ పవర్‌ఫుల్ లాయర్ పాత్రను చేస్తున్నట్లు తెలిసింది.
పవర్‌ఫుల్ సబ్జెక్టుతో తెరకెక్కుతోన్న ‘టాక్సిక్’ మూవీలో యశ్ పెద్ద పేరున్న అడ్వకేట్‌లా నటిస్తున్నాడట. అతడి పాత్ర ఎవరూ ఊహించని విధంగా డిజైన్ చేసినట్లు తెలిసింది. ముఖ్యంగా ఇందులో దర్శకురాలు గీతూ మోహన్‌దాస్.. యశ్ పాత్రను బాగా ఎలివేట్ చేస్తున్నట్లు సమాచారం. అతడి ప్రధానంగా వచ్చే కోర్ట్ డ్రామా సన్నివేశాలు కూడా హైలైట్‌గా ఉంటాయనే టాక్ వినిపిస్తోంది. దీంతో ఈ చిత్రంపై హైప్ మరింతగా పెరుగుతోంది.
‘టాక్సిక్’ సినిమాను కేవీఎన్ ప్రొడక్షన్స్‌, మాన్‌స్టర్‌ మైండ్‌ క్రియేషన్స్‌ బ్యానర్లపై కేవీఎన్, యశ్ సంయుక్తంగా నిర్మిస్తున్నారు. ఈ చిత్రం 2025 ఏప్రిల్‌ 10న ప్రేక్షకుల ముందుకు రానుంది. ఈ సినిమాలో నయనతార, కియారా అద్వానీ, హూమా ఖురేషీ, డారెల్ డిసిల్వా, అక్షయ్ ఒబెరాయ్ వంటి వాళ్లు కీలక పాత్రలను పోషిస్తున్నారు. జెరేమీ స్టాక్ ఈ మూవీకి సంగీతాన్ని సమకూర్చుతున్నారు.
కన్నడ సూపర్ స్టార్ హీరో యశ్ నటిస్తోన్న ‘టాక్సిక్’ సినిమాను కూడా కేజీఎఫ్ సిరీస్ మాదిరిగా రెండు భాగాలుగా రూపొందిస్తున్నట్లు వార్తలు వైరల్ అవుతున్నాయి. ఇక, ఈ చిత్రం పలు వివాదాల కారణంగా దేశ వ్యాప్తంగా సెన్సేషన్ అయిన విషయం తెలిసిందే. మొత్తానికి దీనిపై ఆసక్తి అందరిలోనూ పెరుగుతూనే ఉంటోంది.