అట్లీ - అల్లు అర్జున్.. మ్యాటర్ ఎంతవరకు వచ్చిందంటే?

అల్లు అర్జున్ పుష్ప సినిమా తర్వాత ఏ ప్రాజెక్టును తొందరగా సెట్స్ పైకి తీసుకు వస్తాడు అనే విషయంలో కొత్త కన్ఫ్యూజన్ అయితే క్రియేట్ అవుతుంది. అనుకున్న ప్లాన్ ప్రకారం అయితే ముందుగా ఐకాన్ సినిమాను మొదలుపెట్టాలి కానీ ఆ ప్రాజెక్టు క్యాన్సిల్ అయిన విషయం తెలిసిందే. ఇక లిస్టులో ఆ తర్వాత చాలా మార్పులు వచ్చాయి. త్రివిక్రమ్ శ్రీనివాస్ తో కూడా ఒక సినిమా స్టార్ట్ చేసే అవకాశం అయితే ఉంది.

అయితే ఇంతలో లైనప్ లోకి సందీప్ రెడ్డి వంగ కూడా వచ్చేసాడు. అంతే కాకుండా తమిళ్ ప్రముఖ దర్శకుడు అట్లీ కూడా ఉన్నట్లు తెలియడంతో ఇప్పుడు బన్నీ భవిష్యత్తు ప్రాజెక్టులపై అన్ని లాంగ్వేజ్ లలో ఆసక్తి అయితే పెరుగుతోంది. తమిళ ఇండస్ట్రీలో నే కాకుండా ఇప్పుడు బాలీవుడ్ లో కూడా అట్లీ పేరు గట్టిగానే వైరల్ అవుతుంది. దీంతో పరభాష మార్కెట్లో మరింత క్రేజ్ అందుకోవాలి అంటే ఎట్టి పరిస్థితుల్లోనూ ఈ దర్శకుడితో ఒక సినిమా చేయాల్సిందే అనేలా బన్నీ అయితే ఆలోచిస్తున్నాడు.

అయితే ఇటీవల ప్రత్యేకంగా అట్లీ కోసం ముంబై కూడా వెళ్ళాడు. అక్కడే స్టొరీ సిట్టింగ్ కూడా జరిగినట్లుగా తెలుస్తోంది. కొన్ని కథలపై బన్నీ డైరెక్టర్ చాలా మాట్లాడుకున్నట్లు సమాచారం. అయితే ఇంకా ఏ కథ అనేది మాత్రం ఫైనల్ కాలేదు. ముంబైకి వెళ్లగా అల్లు అర్జున్ కు సంబంధించిన కొన్ని వీడియోలు కూడా సోషల్ మీడియాలో వైరల్ అయ్యాయి.

చాలాసేపు ప్రత్యేకంగా దర్శకుడి తో మాట్లాడిన అల్లు అర్జున్ తప్పకుండా ప్రాజెక్ట్ చేద్దామనేలా మాట కూడా తీసుకున్నట్లుగా తెలుస్తోంది. అయితే పుష్ప సినిమా ఆగస్టులో రాబోతోంది, ఆ తర్వాత అల్లు అర్జున్ టైముంటే ముందుగానే త్రివిక్రమ్ ప్రాజెక్టును మొదలుపెట్టే అవకాశం ఉంటుంది.

ఇక ఆ లోపు అట్లీ కథ సెట్ అయ్యింది అంటే మరొక ప్రాజెక్టును వెంటనే స్టార్ట్ చేసే ఛాన్స్ ఉంది. ఇక బన్నీ భవిష్యత్తు ప్రాజెక్టులు ఎప్పుడూ మొదలవుతాయి ఎవరితో ఉంటుంది అనేవి మాత్రం కాలమే నిర్ణయిస్తుంది. ఇక మరోవైపు అట్లీ విజయ్ తో అలాగే మరోసారి షారుఖ్ తో కూడా కలిసి వర్క్ చేయాలని అనుకుంటున్నాడు. బన్నీతో వర్క్ చేస్తే కూడా అతనికి సౌత్ లో మరింత కలిసివచ్చే అవకాశం ఉంటుంది. మరి వీరి కలయిక ఎప్పుడు ఓకే అవుతుందో చూడాలి.