మెగా 157.. ప్లాన్స్ మాములుగా లేవు

మెగాస్టార్ చిరంజీవి-బింబిసార డైరెక్టర్ వశిష్ఠ కాంబినేషన్ లో ఓ సోషియో ఫాంటసీ సినిమా ప్రకటించిన సంగతి తెలిసిందే. ఈ చిత్ర షూటింగ్ ప్రారంభం కాకముందే.. కాన్సెప్ట్ పోస్టర్ తోనే అంచనాలను రేకెత్తించింది. ఈ చిత్రాన్ని వీలైనంత త్వరగా సెట్స్ పైకి తీసుకెళ్లాలని మేకర్స్ సన్నాహాలు చేస్తున్నారు.

అయితే ఈ సినిమాలో చాలా మంది లేడీ యాక్టర్లకు స్కోప్ ఉందట. హీరోయిన్ల కోసం ఇప్పటికే స్టార్ యాక్ట్రెస్ పేర్లను పరిశీలిస్తున్నారు. అయితే హీరోయిన్ పాత్ర కోసమే కాకుండా ఇతర లేడీ యాక్టర్ల పాత్రల కోసం బిగ్ స్టార్స్ నే తీసుకోవాలని మూవీటీమ్ ప్రయత్నాలు చేస్తోందట. ఇందుకోసం చర్చలు జరుపుతోందని తెలిసింది. అయితే ఎవరిని తీసుకోవాలో ఇంకా ఫైనలైజ్ అవ్వలేదట.

ఇకపోతే ఇప్పటికే చిరు సరసన హీరోయిన్ గా మృణాల్ ఠాకూర్, నయనతార, అనుష్క ఎవరిని తీసుకుంటే బాగుంటుందా అని మూవీటీమ్ తెగ ఆలోచిస్తుందట. అయితే గతంలోనే గాడ్ ఫాదర్ లో చిరుకు నయనతార చెల్లిలిగా నటించిన సంగతి తెలిసిందే. అయితే మళ్లీ ఇప్పుడు హీరోహీరోయిన్లుగా నటిస్తే ఎఫెక్ట్ అవుతుంది అనుకుంటున్నారట. ఇక అనుష్క కూడా స్టాలిన్ స్పెషల్ సాంగ్ లో సైరా నరసింహారెడ్డి గెస్ట్ రోల్ లో కనిపించింది. రీసెంట్ గానే మిశ్ సెట్టి మిస్టర్ పోలిశెట్టితో రీంట్రీ ఇచ్చింది. కాబట్టి అనుష్క సెట్ అవ్వొచ్చని భావిస్తున్నారట. చూడాలి మరి ఎవరిని తీసుకుంటారో..

ఈ చిత్రాన్ని నవంబర్ నెలలో సెట్స్ పైకి తీసుకు వెళ్లాలని మూవీటీమ్ ప్లాన్ చేస్తున్నట్లు తెలిసింది. యూవీ క్రియేషన్స్‌ బ్యానర్ పై చిత్రాన్ని నిర్మిస్తున్నారు. విజువల్ వండర్ గా సినిమాను రూపొందించబోతున్నారు. నిప్పు, నీరు, ఆకాశం, భూమి, వాయువు.. పంచభూతాల కాన్సెప్ట్ తో సినిమా రాబోతుంది. చాలా రోజుల తర్వాత చిరంజీవి సోషియో ఫాంటసీ జానర్లో సినిమా చేస్తుండటం వల్ల.. ఈ చిత్రం జగదేకవీరుడు అతిలోక సుందరి లాంటి బిగ్గెస్ట్ బ్లాక్ బస్టర్ అవ్వాలని ఫ్యాన్స్ కోరుకుంటున్నారు.

మరోవైపు చిరంజీవి ఈ సోషియో ఫాంటసీ చిత్రంతో పాటు తన కూతురు సుస్మిత కొణిదెల నిర్మాణంలోనూ ఓ సినిమా చేస్తున్నారు. ఈ చిత్రం సినిమా ఎప్పుడు ప్రారంభం అవుతుందనేది క్లారిటీ లేదు. త్వరలోనే దీనికి సంబంధించిన పూర్తి వివరాలు తెలియనున్నాయి.