జూనియర్ ఆర్టిస్ట్ గా నితిన్!

యంగ్ హీరో నితిన్ ప్రస్తుతం వక్కంతం వంశీ దర్శకత్వంలో మూవీ చేస్తోన్న సంగతి తెలిసిందే. భారీ బడ్జెట్ తో తెరకెక్కుతోన్న ఈ చిత్రంలో శ్రీలీల హీరోయిన్ గా నటిస్తోంది. రెండు భిన్నమైన లుక్స్ లో నితిన్ ఈ చిత్రంలో కనిపించబోతున్నాడు. ఇప్పటికే ఫస్ట్ లుక్ పోస్టర్ తో సినిమా కాన్సెప్ట్ బ్యాక్ డ్రాప్ ఏంటి అనేది కూడా క్లారిటీ ఇచ్చేశారు. ఎక్స్ట్రార్డినరీ మెన్ టైటిల్ తో ఈ సినిమాప్రేక్షకుల ముందుకి రానుంది.

నితిన్ కి సరైన కంటెంట్ పడితే యాక్టర్ గా చెలరేగిపోతాడని ప్రత్యేకంగా చెప్పాల్సిన పని లేదు. ముఖ్యంగా అతనిలోని కామెడీ టైమింగ్ ప్రేక్షకులకి ఎక్కువగా కనెక్ట్ అయ్యింది. అతని సూపర్ హిట్ సినిమాలైన ఇష్క్, గుండెజారి గల్లంతయ్యిందే, భీష్మ లాంటి సినిమాలలో ఎక్కువగా ఫన్ ఎలిమెంట్స్ ఉంటాయి. ఈ కారణంగా సినిమాలు సూపర్ హిట్ అయ్యాయి.

సీరియస్ నోట్ లోట్రై చేసిన కథలు ఏవీ కూడా నితిన్ కి సక్సెస్ ఇవ్వలేదు. అదే తనకి బాగా అలవాటైన కామెడీని నమ్ముకుంటే మాత్రం సక్సెస్ లు వచ్చాయి. ఈ సారి వక్కంతం వంశీతో కూడా అలాంటి కామిక్ టచ్ ఉన్న కథతోనే ఎక్స్ట్రార్డినరీ మెన్ మూవీ కూడా చేస్తున్నాడంట. ఈ చిత్రంలో నితిన్ కొద్ది సేపు మూవీలోని జూనియర్ ఆర్టిస్ట్ పాత్రలో కనిపిస్తాడంట.

సినిమా మేకింగ్ బ్యాక్ డ్రాప్ లో వచ్చే ఈ సన్నివేశాలు అన్ని కూడా హిలేరియస్ గా ఉంటాయంట. ఈ సీక్వెన్స్ ఉండేది కొద్దిసేపే అయిన ప్రేక్షకులని మాత్రం బాగా నవ్విస్తాయంట. జూనియర్ ఆర్టిస్ట్ జర్నీ నుంచి అతని ప్రయాణం ఎలాంటి మలుపులు తిరిగింది అనేది కథలో భాగంగా వక్కంతం వంశీ ఆవిష్కరించే ప్రయత్నం చేస్తున్నారంట. మొదటి ప్రయత్నంలో నా పేరు సూర్య అంటూ సీరియస్ స్టోరీతో వక్కంతం వంశీ ఏవరేజ్ సొంతం చేసుకున్నాడు.

అయితే ఎక్స్ట్రార్డినరీ మెన్ మూవీని పూర్తిగా ఎంటర్టైన్మెంట్ యాంగిల్ లో తెరకెక్కిస్తూ సక్సెస్ కొట్టాలని కసితో ఉన్నారు. భీష్మ తర్వాత నితిన్ నుంచి వచ్చిన నాలుగు సినిమాలు ఫ్లాప్ అయ్యాయి. ఈ నేపథ్యంలో కచ్చితంగా హిట్ కొట్టాలనే కసితో వర్క్ చేస్తున్నారు.