వరల్డ్స్ బిగ్గెస్ట్ డైమండ్ సీక్రెట్ రివీల్ చేసిన మిల్కీ బ్యూటీ

మిల్కీ బ్యూటీ తమన్నా కు ప్రముఖ టాలీవుడ్‌ స్టార్‌ రామ్ చరణ్ భార్య ఉపాసన కామినేని కొణిదెల అరుదైన డైమండ్ ను బహుమానంగా ఇచ్చారని... ఆ డైమండ్ ప్రపంచంలోనే అయిదవ అతి పెద్దదిగా ప్రచారం జరిగింది. సోషల్ మీడియాలో జరిగిన ప్రచారం కు చాలా మంది ఆశ్చర్యపోయారు.

ఉపాసన కు అంత గొప్ప డైమండ్ ఇవ్వగలిగే సామర్థ్యం.. సత్తా ఉంది. కానీ తమన్నా కు ఎందుకు అంత పెద్ద డైమండ్ ను ఉపాసన ఇచ్చి ఉంటారు అనేది పెద్ద ప్రశ్న. ఈ ప్రశ్నలన్నింటికీ సమాధానం స్వయంగా తమన్నా ఇచ్చింది. సోషల్ మీడియా ద్వారా తమన్నా మరోసారి ఆ డైమండ్ ను చూపిస్తూ సీక్రెట్‌ ను రివీల్ చేయడంతో అంతా కూడా అంతేనా అంటూ నిటూర్చుతున్నారు.

అసలు విషయం ఏంటంటే.. అది డైమండ్ కానే కాదు. అది ఒక బాటిల్ ఓపెనర్‌. చూడ్డానికి డైమండ్ మాదిరిగా విభిన్నమైన ఆకారంలో ఉంది. తమన్నా ఆ బాటిల్ ఓపెనర్ ను మరోసారి చేతికి ధరించి ఫోటోకు ఫోజ్‌ ఇచ్చి మాకు దీనికి విచ్చిన్నం చేయడం ఇష్టం లేదు. బాటిల్‌ ఓపెనర్‌ తో కూడా ఫోటోలకు ఫోజ్‌ లు ఇస్తాను అన్నట్లుగా తమన్నా సరదా కామెంట్ ని షేర్ చేసింది.

మొత్తానికి ఆ డైమండ్ ప్రపంచంలోనే అతిపెద్ద డైమండ్స్ లో 5వ అతి పెద్దది కాదని.. అసలు అది అసలు డైమండ్ కాదని తేలిపోయింది. అయినా కూడా సోషల్‌ మీడియాలో మిల్కీ బ్యూటీ తమన్నా ఆ బాటిల్ ఓపెనర్ ధరించి ఉన్న ఫోటోలు తెగ వైరల్‌ అవుతూనే ఉన్నాయి.

ఇక ఈ అమ్మడి సినిమాల విషయానికి వస్తే మెగాస్టార్ చిరంజీవి తో నటించిన భోళా శంకర్.. రజినీకాంత్‌ తో నటించిన జైలర్ సినిమాలు ప్రేక్షకుల ముందుకు రాబోతున్నాయి. ఇటీవలే ఈమె నటించిన లస్ట్‌ స్టోరీస్ 2 వెబ్‌ సిరీస్ ప్రేక్షకుల ముందుకు వచ్చిన విషయం తెల్సిందే. మొత్తానికి ఈ అమ్మడు ఇండస్ట్రీ లో అడుగు పెట్టి ఇన్నాళ్లు అయినా కూడా ఇంకా బిజీ బిజీగా ఆఫర్లు దక్కించుకుంటూ భారీ రెమ్యూనరేషన్‌ తో దూసుకు పోతూనే ఉంది.