చంద్రయాన్-3తో పోలుస్తూ 'ఆదిపురుష్' ని ఆడుకుంటున్న నెటిజన్లు!

అందాల జాబిలిపై పరిస్థితులను అధ్యయనం చేసేందుకు ఇస్రో ప్రతిష్ఠాత్మకంగా చేపట్టిన చంద్రయాన్-3 ప్రయోగంలో తొలిఘట్టం విజయవంతమైన సంగతి తెలిసిందే. ఈ సందర్భంగా చంద్రయాన్-3 సక్సెస్ వేళ... "ఆదిపురుష్" సినిమాపై మరోసారి సెటైర్స్ వేస్తున్నారు నెటిజన్లు.

యంగ్ రెబల్ స్టార్ ప్రభాస్ ఫ్యాన్స్ ఎంతో ఆసక్తిగా ఎదురుచూసిన సినిమా "ఆదిపురుష్" గురించి తెలిసిందే. ఆ సినిమా ఆశించిన స్థాయిలో లేదని పలువురు అభిమానులు హర్ట్ అయినట్లు కథనాలొచ్చిన వేళ... ఇతిహాసమైన రామాయణాన్ని వక్రీకరించారంటూ మరికొంతమంది విమర్శలు చేసిన సంగతి తెలిసిందే.

అయితే హిట్ ప్లాప్ లతో సంబంధం లేకుండా... తనకున్న ఛరిష్మాతో మొదటి వారాంతంలోనే సొమ్ములు రాబట్టగలనని ప్రభాస్ నిరూపించుకున్నాడనే కామెంట్లు వినిపించాయి. ఇదే సమయంలో ఉత్తర భారతదేశంలో ఈ "ఆదిపురుష్" చాలా విమర్శలను అందుకుందని కథనాలొచ్చాయి. ప్రస్తుతం ఆ విషయాన్ని పక్కనపెట్టినట్లు కనిపిస్తున్న అభిమానులు.. "సలార్" కోసం వేయికల్లతో ఎదురు చూస్తున్నారని అంటున్నారు.

ఈ సమయంలో భారత అంతరిక్ష పరిశోధనా సంస్థ (ఇస్రో) భారతదేశ మూడవ చంద్ర అన్వేషణ మిషన్ చంద్రయాన్-3ని విజయవంతంగా ప్రారంభించిన సంగతి తెలిసిందే. దీంతో ఈ చంద్రయాన్-3 పేరు చెప్పి "ఆదిపురుష్" సినిమాని మరోసారి తెరపైకి తెస్తూ సోషల్ మీడియా ట్రోల్ చేస్తున్నారు నెటిజన్లు!

ఇందులో భాగంగా... చంద్రయాన్-3 "ఆదిపురుష్" ల బడ్జెట్ లను పోల్చుతూ ఉన్న ఒక పోస్ట్ ఇప్పుడు సోషల్ మీడియా వైరల్ అయ్యిందని తెలుస్తుంది. ఈ పోస్ట్ ప్రకారం చూస్తే... "చంద్రయాన్-3" కంటే "ఆదిపురుష్" కి అయిన ఖర్చు ఎక్కువ అని!

అయితే ఆ ట్రోల్స్ సంగతి కాసేపు పక్కనపెడితే... వాస్తవానికి "ఆదిపురుష్" సినిమాకి దాదాపు 350 నుండి 400 కోట్ల రూపాయల బడ్జెట్ అయ్యిందని అంటున్నారు. ఇదే సమయంలో "చంద్రయాన్-3" కోసం దాదాపు 650 కోట్ల రూపాయల బడ్జెట్ ఖర్చయ్యిందని తెలుస్తుంది.

కానీ... సోషల్ మీడియాలో మాత్రం చంద్రయాన్-3 కంటే "ఆదిపురుష్"కి ఎక్కువ ఖర్చు అయినట్లుగా నెటిజన్లు ట్రోల్స్ చేస్తున్నారు. దీంతో... వాస్తవాలు పక్కనపెట్టి ఇలాంటి ట్రోల్స్ చేస్తున్నారంటూ ప్రభాస్ అభిమానులు ఫైరవుతున్నారని అంటున్నారు. ఏది ఏమైనా... వాస్తవాలు తెలియని వారు మాత్రం ఈ పోస్టును వైరల్ చేసే పనిలో ఉన్నారని తెలుస్తోంది!