హోటల్ లో చోరీకి వచ్చి.. ఎదురు డబ్బులిచ్చిన దొంగ

వీడో డిఫరెంట్ దొంగ. చోరీకి వచ్చిన ఇతగాడికి విలువైన వస్తువులు.. డబ్బులు దొరక్కపోవటంతోచిరాకు చెంది.. తన దగ్గరున్న డబ్బుల్ని ఇచ్చేసిన వెళ్లిపోయిన వైనం సీసీ కెమేరాలు నమోదైంది. ఆసక్తికరంగా మారిన ఈ ఉదంతం మహేశ్వరంలో చోటు చేసుకుంది. ఇంత చేసిన ఇతగాడికి సంబంధించి ఒక్క క్లూ కూడా దొరక్కుండా జాగ్రత్తలు తీసుకున్నాడు. ఈ తేడా దొంగ వ్యవహారం ఇప్పుడు ఆసక్తికరంగా మారింది.

హైదరాబాద్ మహానగర శివారులోని మహేశ్వరంలోని తహసీల్తార్ కార్యాలయం ఎదురుగా ఉన్న హోటల్ లో చోరీకి వచ్చాడో దొంగ. చేతులకు గ్లౌజ్.. ముఖానికి మంకీ క్యాప్ ధరించాడు. హోటల్ తాళం బద్ధలు కొట్టి లోపలకు వెళ్లిన అతడికి తీవ్ర నిరాశే మిగిలింది.దీనికి కారణం.. సదరు హోటల్ లో చోరీ చేసేందుకు ఏమీ దొరకలేదు. క్యాష్ బాక్స్ సైతం ఖాళీగా ఉంది.

దీంతో.. ఏం చేయాలో అర్థం కాని పరిస్థితి. ఇదే సమయంలో అతగాడి దాహం కావటంతో అక్కడి ఫ్రిజ్ లో నుంచి వాటర్ బాటిల్ తీసుకొని తాగాడు. ఏమీ దొరకని ఫస్ట్రేషనో.. లేదంటే తాను వాడుకున్న వాటర్ బాటిల్ కు డబ్బులు చెల్లించకపోతే దొంగ అన్న ముద్ర వేయించుకోవటం ఇష్టం లేదో కానీ.. వాటర్ బాటిల్ రూ.20ను క్యాష్ బాక్స్ దగ్గర పెట్టాడు. దీనికి ముందు సీసీ కెమేరా ముందుకు వచ్చి.. తాను టేబుల్ మీద పెట్టే రూ.20 ను చూపించిన వైనం రికార్డు అయ్యింది. ఈ వీడియో వైరల్ గా మారింది.