జనసేనలోకి వసంత...!?

ఉమ్మడి క్రిష్ణా జిల్లా మైలవరం సిట్టింగ్ వైసీపీ ఎమ్మెల్యే వసంత వెంకట క్రిష్ణ ప్రసాద్ జనసేన వైపుగా అడుగులు వేస్తున్నారు అని అంటున్నారు. ఆయన ఆది నుంచి టీడీపీ వైపే అని ప్రచారం ఒక లెవెల్ లో హోరెత్తింది. ఆయన టీడీపీ నేతలకు టచ్ లోకి వెళ్ళారని అది తెలిసే వైసీపీ అధినాయకత్వం ఆయనకు టికెట్ దూరం చేసింది అని కూడా వార్తలు వచ్చాయి.

ఇక వసంత క్రిష్ణ ప్రసాద్ టీడీపీలో టికెట్ ని కన్ ఫర్ చేసుకునే వైసీపీ అధినాయకత్వం మీద పరోక్ష విమర్శలు చేశారు అని కూడా ప్రచారం సాగింది. దాంతో వసంత సైకిలెక్కుతారని అంతా అనుకుంటూంటే ఆయన గాజు గ్లాస్ తీసుకోవాలని చూస్తున్నారని కొత్త వార్తలు షికారు చేస్తున్నాయి.

వసంత క్రిష్ణ ప్రసాద్ మైలవరం టికెట్ అడుగుతున్నారు కానీ అది ఆయనకు దక్కదు అని అంటున్నారు. టీడీపీలో మాజీ మంత్రి దేవినేని ఉమా మహేశ్వరరావు ఉన్నారు. ఆయన ఉండగా వసంతకు అక్కడ కుదిరే వ్యవహారం కాదని అంటున్నారు. అలాగే జగ్గంపేటలో పోటీ చేయాలని చూసినా అక్కడ కూడా నెట్టెం రఘురాం వంటి టీడీపీ సీనియర్ నేతలు ఉన్నారు.

ఇక ఆయనను విజయవాడ ఎంపీగా పోటీ చేయిస్తారు అని వార్తలు వచ్చినా ఆయన విముఖంగానే ఉన్నారని అంటున్నారు. ఈ పరిణామాల నేపధ్యంలో ఆయన జనసేనలోకి వెళ్ళడం ద్వారా తనకు అనువైన సీటుని అక్కడ నుంచే పొత్తులో భాగంగా తెచ్చుకుంటారు అని అంటున్నారు.

వసంత కనుక జనసేనలోకి వెళ్తే కచ్చితంగా మైలవరం సీటు విషయంలో పట్టుబట్టే అవకాశం ఉంటుంది అని అంటున్నారు. అపుడు దేవినేని ఉమకు వేరే ప్లేస్ చూపించి పొత్తులో భాగంగా ఈ సీటు టీడీపీ కూడా కేటాయించవచ్చు అని అంటున్నారు. ఈ విషయంలో అన్నీ ఆలోచించే వ్యూహత్మకంగానే వసంత జనసేనలోకి వెళ్తారు అని అంటున్నారు. మరి ఈ ప్రచారం వాస్తవం అవుతుందా లేక ఊహాగానాలా అన్నది కొద్ది రోజులలో తేలిపోతుంది అని అంటున్నారు.