టాలీవుడ్ స్టార్ హీరోయిన్ సమంత గురించి తెలియనివారు ఎవరూ ఉండరేమో. ఆమె దాదాపు దశాబ్ధానికి పైగా సినిమాలు చేస్తూ, దక్షిణాది ప్రజలను అలరిస్తూ వస్తున్నారు. ఆమెకు రోజు రోజుకీ క్రేజ్ పెరుగుతుందే కానీ, తగ్గుతున్నది లేదు. ఆమె చివరగా శాకుంతలం సినిమాతో ప్రేక్షకుల ముందుకు వచ్చింది. ఈ మూవీ సమయంలో ఆమె తీవ్ర అనారోగ్యానికి గురయ్యారు.
ఆరోగ్యం ఎంత సహకరించకపోయినా ఆమె షూటింగ్, డబ్బింగ్ పూర్తి చేసింది. కాస్త కుదుట పడిన తర్వాత ఆమె ఖుషీ , సిటాడెల్ షూటింగ్ కూడా పూర్తి చేసేసింది. ఈ షూటింగ్స్ అన్నీ పూర్తి చేసేసిన తర్వాత ఆమె సంవత్సరం పాటు బ్రేక్ తీసుకుంటున్నట్లు ప్రకటించేసింది.
ఈ న్యూస్ విని మొదట ఫయాన్స్ షాకయ్యారు. కానీ, తన ఆరోగ్యం కోసం తాను ఈ బ్రేక్ తీసుకుంటున్నానని చెప్పడంతో, ఆమె తొందరగా కోలుకోని రావాలని అందరూ అనుకున్నారు.
అయితే, సమంత ఈ బ్రేక్ లో ఎక్కువగా ఆధ్యాత్మికత వైపు అడుగులు వేస్తున్నారు. గతంలో నాగ చైతన్య విడాకులు తీసుసుకున్న సమయంలోనూ ఆమె ఇలానే భక్తి మార్గంలో వెళ్లారు. కేదర్ నాథ్ లాంటి ఆలయాలన్నీ చుట్టి వచ్చారు. ఇప్పుడు మళ్లీ, ఆమె ఆలయాల చుట్టూ తిరుగుతున్నారు. చెన్నైలోని పలు ఆలయాలను ఆమె సందర్శించినట్లు ఫోటోలు కూడా బయటకు వచ్చాయి.
తాజాగా, కోయంబత్తూర్‌లో ఈషా ఫౌండేషన్‌లో ఆమె పాల్గొన్నారు. ఆధ్యాత్మిక గురువు జగ్గీ వాసుదేవ్ నేతృత్వంలో ఆశ్రమంలో అనేక మందితో కలిసి ధ్యానంలో పాల్గొన్నారు. ఆ ధ్యానానికి సంబంధించిన ఫోటోలను కూడా ఆమె షేర్ చేశారు. ఆమె ఆ ఆశ్రమానికి చాలా సార్లు వెళ్లారు. కానీ, మనసు బాగోనప్పుడు, ప్రశాంతత కోసం ఎక్కువగా వెళ్తూ ఉంటారు.
ఇక్కడ కొద్దిరోజులు గడిపిన తర్వాత ఆమె అమెరికా వెళ్లనున్నారు. అక్కడ చికిత్స తీసుకోని, తర్వాత కోలుకున్నాక, మళ్లీ ఇండియా రానున్నారు. ఇదిలా ఉండగా, సమంత నటించిన ఖుషీ మూవీ ప్రేక్షకుల ముందుకు రావడానికి రెడీ అయ్యింది. ఈ మూవీలో ఆమె సరసన విజయ్ దేవర కొండ నటించారు. శివ నిర్వాణ దర్శకత్వం వహించిన ఈ మూవీలో పాటలు ఇప్పటికే బాగా క్లిక్ అయ్యాయి.