అల్లు అర్జున్ మామ విసిరిసన పాచిక పారేనా.?

అల్లు అర్జున్ మామ కంచర్ల చంద్రశేఖర్ రెడ్డి 2014లో టీఆర్ఎస్ టికెట్ పై పోటీచేసి ఓడిపోయారు. ఈసారి కూడా టీఆర్ఎస్ టికెట్ కోసం ఆశించాడు. కానీ గెలిచిన ఎమ్మెల్యే గులాబీ పార్టీలోకి రావడంతో సాధ్యపడలేదు. దీంతో చంద్రశేఖర్ రెడ్డికి కేసీఆర్ ఈసారి టికెట్ నిరాకరించాడు. చేసేదేం లేక చంద్రశేఖర్ రెడ్డి కాంగ్రెస్ తో సంప్రదింపులు జరిపారట.. ఇప్పుడు మహాకూటమి ప్రకటించే సీట్ల జాబితాలో కూటమి అభ్యర్థిగా.. తన పేరు ఉంటుందని ఆశిస్తున్నారు. కొద్దిరోజులుగా గులాబీ పార్టీకి దూరంగా కాంగ్రెస్ టీడీపీ నాయకులతో సన్నిహితంగా మెలుగుతున్నారు.

తాజాగా తనకు టికెట్ ఇస్తే ఖచ్చితంగా గెలుస్తానని.. తన అల్లుడు అల్లు అర్జున్ తో ప్రచారం చేస్తానని కూటమి పెద్దలకు హామీ ఇచ్చాడట.. దీంతో స్టార్ మేనియాతో గెలిచే అవకాశం ఉన్న చంద్రశేఖర్ రెడ్డికి  టికెట్ ఇవ్వడానికి కాంగ్రెస్ పెద్దలు ఆసక్తి చూపుతున్నారనే ప్రచారం జరుగుతోంది. అయితే అల్లుడు అల్లు అర్జున్ మాత్రం మామ ప్రతిపాదనకు ఆసక్తిగా లేడని సమాచారం.  ఈ క్రిటికల్ పొజిషన్లో ప్రచారం చేయడానికి ఇష్టపడడం లేదని చెబుతున్నారు.

అయితే అల్లుడు అల్లు అర్జున్ ప్రచారం చేస్తాడో లేదో కానీ..  మామ చంద్రశేఖర్ రెడ్డి మాత్రం కాంగ్రెస్ టికెట్ కోసం ఓ పాచిక అయితే వేశాడు.. మరి ఈ పాచికతో టికెట్ వస్తుందో రాదో మరో రెండు రోజులు ఆగితే తెలిసిపోతుంది..