ట్రంప్ కాబ‌ట్టే ఇలాంటి చిలిపి ప‌నులు!

కారు.. కాదంటే బైకు న‌డ‌ప‌డం రాక‌పోయినా.. స్టీరింగ్ ప‌ట్టుకొని అటూఇటూ తిప్పుతూ చిన్న‌ప్పుడు ఆడిన ఆట‌లు గుర్తున్నాయా? ఇలాంటివి ఎవ‌రికైనా తీపి జ్ఞాప‌కాలు క‌దా ఎందుకు గుర్తుండ‌వు అంటారా. నిజ‌మే. అయితే అలాంటి చిన్న‌నాటి అనుభ‌వాల‌ను పెద్ద స్థాయిలో ఉండి మ‌రీ అమెరికా అధ్య‌క్ష‌డు డొనాల్డ్ ట్రంప్ చేసేశారు. ట్ర‌క్ డ్రైవ‌ర్లు - ట్ర‌కింగ్ ఎగ్జిక్యూటివ్స్‌ తో స‌మావేశం సంద‌ర్భంగా ట్రంప్ కూడా త‌న చిన్న‌త‌నంలోకి వెళ్లిపోయారు. కాసేపు ఆ స‌మావేశానికి హాజ‌రైన వారంద‌రినీ ఉర్రూత‌లూగించారు.

ఈ స‌మావేశానికై హాజ‌రైన ట్రంప్‌.. ఓ ట్ర‌క్‌ లోకి ఎక్కారు. స్టీరింగ్ పట్టుకొని మొహంలో ర‌క‌ర‌కాల ఎక్స్‌ప్రెష‌న్స్‌ తో ఫొటోల‌కు పోజులిచ్చారు. ఇంకేం ట్రంప్ ఇలా దొర‌క‌డం అరుదు కాబ‌ట్టి ఆ ఫొటోల‌ను అంతా ట‌పీట‌పీమ‌ని తీసుకున్నారు. అనంతరం ఆ ఫొటోలు సోష‌ల్ మీడియాలో పోస్ట్ చేశారు. దీంతో అవి వైర‌ల్ అయ్యాయి. నెటిజ‌న్లు ఇలాంటివి దొరికితే ఊరుకోరు క‌దా ట్విట్ట‌ర్‌ లో ఫ‌న్నీ కామెంట్స్ పోస్ట్ చేస్తున్నారు. దీంతో దుమ్మురేగిపోతూ #ట్రంప్ ట్ర‌క్ హ్యాష్‌ ట్యాగ్ ట్విట్ట‌ర్‌ లో ట్రెండింగ్ అవుతోంది. ఇదిలాఉండగా ఈ మీటింగ్ సంద‌ర్భంగా ట్రంప్ మాట్లాడుతూ ట్ర‌క్ డ్రైవ‌ర్ల‌కు తెలిసినంత‌గా అమెరికా గురించి ఎవ‌రికీ తెలియ‌దు. దేశంలోని ప్ర‌తి కొండ‌ను, గుట్ట‌ను, లోయ‌ల‌ను, రోడ్లపై ఉన్న గుంత‌ల‌ను మీరు చూస్తుంటారు అని అన్నారు.

Full View

Like Us on Facebook : https://www.facebook.com/Tupakidotcom/