అమెరికా అధ్య‌క్షుడు డొనాల్డ్‌ ట్రంప్ తీరుపై ఆ దేశంలోనే అసంతృప్తులు పెల్ల‌బుకుతున్నాయి. ఆయ‌న కొత్త‌గా ప్ర‌వేశ‌పెట్టిన వీసా నిబంధ‌న‌ల‌ను అక్క‌డి విశ్వ‌విద్యాల‌యాలు వ్య‌తిరేకిస్తున్నాయి. `విదేశీ విద్యార్థుల కోసం చాలా క‌ఠిన‌మైన చ‌ట్టాల‌ను త‌యారు చేశారు. దీని వ‌ల్ల అమెరికా ఉన్న‌త విద్యా వ్య‌వ‌స్థ‌పై తీవ్ర ప్ర‌భావం ఉంటుంది`అని సుమారు 65 ప్ర‌ముఖ యూనివ‌ర్సిటీలు ఆవేద‌న వ్య‌క్తం చేశాయి. హార్వ‌ర్డ్‌ - మిట్‌ - కార్నెల్‌ - యేల్‌ - ప్రిన్స్‌ ట‌న్ లాంటి వ‌ర్సిటీలు కూడా ట్రంప్ వీసా విధానాన్ని త‌ప్పుప‌ట్టాయి. వీసా విధానాన్ని వ్య‌తిరేకించిన ఆ వ‌ర్సిటీలో.. కోర్టును కూడా ఆశ్ర‌యించాయి.
ట్రంప్ స‌ర్కారు ఇటీవ‌ల విడుద‌ల చేసిన కొత్త వీసా నిబంధ‌న‌ల ప్ర‌కారం.. విదేశీ విద్యార్థులు ఎవ‌రైనా త‌మ చ‌దువు కాలం ముగిసినా.. లేక వీసా తేదీ ముగిసిన ఇక నుంచి ఆ దేశంలో ఉండ‌డానికి వీలు లేదు. అలా గ‌డువు కాలం ముగిసిన విద్యార్థుల‌ను వెంట‌నే దేశం నుంచి వారివారి స్వంత దేశాలకు పంప‌డం జ‌రుగుతుంది. డిపార్ట్‌ మెంట్ ఆఫ్ హోమ్‌ ల్యాండ్ సెక్యూర్టీ ఆ కొత్త నిబంధ‌న‌ల‌ను అమ‌లు చేయాల్సి ఉంటుంది. అయితే గ‌తంలో ఈ నిబంధ‌న‌లు మ‌రోలా ఉండేవి. ఒక‌వేళ విదేశీ విద్యార్థుల చ‌దువు ముగిసినా - లేక వీసా గ‌డువు ముగిసినా - స‌ద‌రు విద్యార్థి ఆరు నెల‌ల వ‌ర‌కు అమెరికా ఆశ్ర‌యం పొందే వీలు ఉండేది. ఇప్పుడు కొత్త వీసా విధానంతో విదేశీ విద్యార్థుల ఆశ‌ల‌పై ట్రంప్ నీళ్లు చల్లారు. కానీ ఈ ప‌ద్ధ‌తి అమెరికా విద్యా వ్య‌వ‌స్థ‌ను దెబ్బ‌తీస్తుంద‌ని మేటి వ‌ర్సిటీలు ఆరోపిస్తున్నాయి. గ‌త ఏడాది విదేశీ విద్యార్థుల వ‌ల్ల అమెరికాకు సుమారు 39 బిలియ‌న్ డాల‌ర్ల ఆదాయం వ‌చ్చింది.
కాగా - భార‌తీయ విద్యార్థులు పెద్ద ఎత్తున అమెరికాలో విద్య‌ను అభ్య‌సిస్తున్నారు. తాజాగా యూనివ‌ర్సిటీలు ఆందోళ‌న వ్య‌క్తం చేయ‌డాన్ని ట్రంప్ స‌ర్కారు సీరియ‌స్‌ గా తీసుకొని నిబంధ‌న‌లు మార్చితే మన విద్యార్థుల‌కు కూడా మేలు జ‌రిగే అవ‌కాశం ఉంద‌ని అంటున్నారు.
ట్రంప్ స‌ర్కారు ఇటీవ‌ల విడుద‌ల చేసిన కొత్త వీసా నిబంధ‌న‌ల ప్ర‌కారం.. విదేశీ విద్యార్థులు ఎవ‌రైనా త‌మ చ‌దువు కాలం ముగిసినా.. లేక వీసా తేదీ ముగిసిన ఇక నుంచి ఆ దేశంలో ఉండ‌డానికి వీలు లేదు. అలా గ‌డువు కాలం ముగిసిన విద్యార్థుల‌ను వెంట‌నే దేశం నుంచి వారివారి స్వంత దేశాలకు పంప‌డం జ‌రుగుతుంది. డిపార్ట్‌ మెంట్ ఆఫ్ హోమ్‌ ల్యాండ్ సెక్యూర్టీ ఆ కొత్త నిబంధ‌న‌ల‌ను అమ‌లు చేయాల్సి ఉంటుంది. అయితే గ‌తంలో ఈ నిబంధ‌న‌లు మ‌రోలా ఉండేవి. ఒక‌వేళ విదేశీ విద్యార్థుల చ‌దువు ముగిసినా - లేక వీసా గ‌డువు ముగిసినా - స‌ద‌రు విద్యార్థి ఆరు నెల‌ల వ‌ర‌కు అమెరికా ఆశ్ర‌యం పొందే వీలు ఉండేది. ఇప్పుడు కొత్త వీసా విధానంతో విదేశీ విద్యార్థుల ఆశ‌ల‌పై ట్రంప్ నీళ్లు చల్లారు. కానీ ఈ ప‌ద్ధ‌తి అమెరికా విద్యా వ్య‌వ‌స్థ‌ను దెబ్బ‌తీస్తుంద‌ని మేటి వ‌ర్సిటీలు ఆరోపిస్తున్నాయి. గ‌త ఏడాది విదేశీ విద్యార్థుల వ‌ల్ల అమెరికాకు సుమారు 39 బిలియ‌న్ డాల‌ర్ల ఆదాయం వ‌చ్చింది.
కాగా - భార‌తీయ విద్యార్థులు పెద్ద ఎత్తున అమెరికాలో విద్య‌ను అభ్య‌సిస్తున్నారు. తాజాగా యూనివ‌ర్సిటీలు ఆందోళ‌న వ్య‌క్తం చేయ‌డాన్ని ట్రంప్ స‌ర్కారు సీరియ‌స్‌ గా తీసుకొని నిబంధ‌న‌లు మార్చితే మన విద్యార్థుల‌కు కూడా మేలు జ‌రిగే అవ‌కాశం ఉంద‌ని అంటున్నారు.