తెలంగాణ‌లో తెలుగుదేశం పార్టీకి తీవ్ర షాక్‌ ! ఇప్పటికే తెలుగుదేశం పార్టీ ముఖ్యనేతలంతా ఒక్కొక్కరుగా ఆ పార్టీకి గుడ్‌ బై చెప్పి టీఆర్ ఎస్ లోకి చేరుతున్న నేప‌థ్యంలో తాజాగా టీడీపీ శాస‌న‌స‌భాప‌క్ష నేత ఎర్రబెల్లి దయాకర్‌ రావు ఆ పార్టీకి గుడ్‌ బై చెప్పారు. సీఎం కేసీఆర్ మేనల్లుడు - మంత్రి హరీశ్ రావుతో ఎర్రబెల్లి సమావేశమయ్యారు. అనంత‌రం టీఆర్ ఎస్ లో చేరనున్నట్లు ప్ర‌క‌టించారు. త‌న‌తో పాటు రంగారెడ్డి జిల్లా రాజేంద్రనగర్ నియోజకవర్గ ఎమ్మెల్యే ప్రకాశ్ గౌడ్ సైతం టీఆర్ ఎస్ లో చేరనున్నట్లు ఎర్రబెల్లి తెలిపారు. ఈ ఇద్దరు నేతలు కాసేపట్లో సీఎం కేసీఆర్ ను కలవనున్నారు. ఇప్పటికే టీటీడీపీ ఎమ్మెల్యేలు ఏడుగురు గులాబీ తీర్థం పుచ్చుకున్న విషయం తెలిసిందే.
ఇప్పటికే టీడీపీకి చెందిన ఏడుగురు ఎమ్మెల్యేలు కారెక్కేశారు. తాజా ప‌రిణామంతో ఆ సంఖ్య తొమ్మిదికి చేరనుంది. టీడీపీ ఫ్లోర్ లీడర్‌ గా ఉన్న ఎర్రబెల్లి దయాకర్‌ రావు టీఆర్ ఎస్ పార్టీలో చేర‌డం తెలంగాణ తెలుగుదేశం పార్టీకి మరో షాక్‌గా రాజ‌కీయ‌వ‌ర్గాలు భావిస్తున్నాయి. ఈ చేరిక‌తో ఏకంగా టీడీపీని టీఆర్ ఎస్ లో విలీనం చేసే దిశ‌గా ప‌రిణామాలు మారే అవ‌కాశం ఉంది. ఎర్రబెల్లి కంటే ఒక్క‌రోజు ముందే కుత్బుల్లాపూర్ ఎమ్మెల్యే వివేకానంద్ గౌడ్ సీఎం కేసీఆర్ స‌మ‌క్షంలో గులాబీ గూటికి చేరిపోయారు.
ఇప్పటికే టీడీపీకి చెందిన ఏడుగురు ఎమ్మెల్యేలు కారెక్కేశారు. తాజా ప‌రిణామంతో ఆ సంఖ్య తొమ్మిదికి చేరనుంది. టీడీపీ ఫ్లోర్ లీడర్‌ గా ఉన్న ఎర్రబెల్లి దయాకర్‌ రావు టీఆర్ ఎస్ పార్టీలో చేర‌డం తెలంగాణ తెలుగుదేశం పార్టీకి మరో షాక్‌గా రాజ‌కీయ‌వ‌ర్గాలు భావిస్తున్నాయి. ఈ చేరిక‌తో ఏకంగా టీడీపీని టీఆర్ ఎస్ లో విలీనం చేసే దిశ‌గా ప‌రిణామాలు మారే అవ‌కాశం ఉంది. ఎర్రబెల్లి కంటే ఒక్క‌రోజు ముందే కుత్బుల్లాపూర్ ఎమ్మెల్యే వివేకానంద్ గౌడ్ సీఎం కేసీఆర్ స‌మ‌క్షంలో గులాబీ గూటికి చేరిపోయారు.