ఏపీలో గత ఏడాది ప్రవేశపెట్టిన చంద్రన్న సంక్రాంతి కానుక ఎంత పెద్ద హిట్ అయ్యిందో తెలిసిందే. అప్పటికప్పుడు అనుకుని చేసిన ఆ పథకంలో అక్కడక్కడా ఇబ్బందులు వచ్చినా 90 శాతానికి పైగా సక్సెస్ వచ్చంది. దాంతో ఈ ఏడాది కూడా ఏపీలో చంద్రబాబు సంక్రాంతి కానుకలు ఇస్తున్నారు. అంతేకాదు... రంజాన్ కు తోఫా... క్రిస్ మస్ కు కానుకలు కూడా ఇచ్చారు. పేదలు పండుగ చేసుకోవాలన్న లక్ష్యంతో ప్రవేశపెట్టిన ఈ పథకానికి మంచి ఆదరణ వచ్చింది. దీంతో ప్రజాదరణ పథకాలంటే పడిచచ్చే తమిళనాడు నేతలు దీనిపై కన్నేశారు. తమిళనాడు ముఖ్యమంత్రి జయలలిత చంద్రబాబు పథకానికి చిన్నపాటి మార్పులు చేసి ఆ రాష్ట్రంలో అమల్లోకి తెస్తున్నారు.
ఇప్పటికే అమ్మ క్యాంటీన్ల వంటి వాటితో ఆకట్టుకుంటున్న జయలలిత బుధవారం సంక్రాంతి కానుక పథకాన్నీ ప్రకటించారు. దానికి ఏపీలోని చంద్రన్న సంక్రాంతి కానుకే స్పూర్తి. అయితే... జయలలిత ఈ విషయంలో చంద్రబాబు కంటే ఓ అడుగు ముందుకేశారు. బియ్యం - పంచదార - పప్పులు వంటి సరకుల తోపాటు రూ.100 నగదు కానుక కూడా అందజేయనున్నట్లు ఆమె ప్రకటించారు. తమిళనాడు ధనిక రాష్ట్రం కావడంతో ఆమెకు ఆ అవకాశం దొరికింది. మొత్తానికి చంద్రన్న సంక్రాంతి కానుక తమిళనాడు ప్రజలకు కూడా మేలు చేస్తోంది.
ఇప్పటికే అమ్మ క్యాంటీన్ల వంటి వాటితో ఆకట్టుకుంటున్న జయలలిత బుధవారం సంక్రాంతి కానుక పథకాన్నీ ప్రకటించారు. దానికి ఏపీలోని చంద్రన్న సంక్రాంతి కానుకే స్పూర్తి. అయితే... జయలలిత ఈ విషయంలో చంద్రబాబు కంటే ఓ అడుగు ముందుకేశారు. బియ్యం - పంచదార - పప్పులు వంటి సరకుల తోపాటు రూ.100 నగదు కానుక కూడా అందజేయనున్నట్లు ఆమె ప్రకటించారు. తమిళనాడు ధనిక రాష్ట్రం కావడంతో ఆమెకు ఆ అవకాశం దొరికింది. మొత్తానికి చంద్రన్న సంక్రాంతి కానుక తమిళనాడు ప్రజలకు కూడా మేలు చేస్తోంది.