ప్ర‌ధాన‌మంత్రి న‌రేంద్ర మోడీపై అసంతృప్తితో ఉన్న వ‌ర్గాలు ఒక్కొక్క‌టిగా ఏకం అవుతున్నాయి. అయితే ఇది రాజ‌కీయ‌ప‌క్షాలు - ప్రాంతీయ పార్టీల వ‌ర‌కే ప‌రిమితం కాలేదు. బీజేపీలోని అంత‌ర్గ‌త వ‌ర్గాలు సైతం న‌రేంద్ర మోడీపై నారాజ్‌ గా ఉన్న మిగ‌తా వ‌ర్గాల‌ను క‌లుస్తున్నాయి. ఈ క్ర‌మంలో తాజాగా బీజేపీ సీనియ‌ర్ నేతలు ఫైర్ బ్రాండ్ సీఎంతో భేటీ అవ‌డం క‌ల‌క‌లంగా మారింది. బీజేపీ అసంతృప్త నేతలు యశ్వంత్ సిన్హా - శత్రుఘ్న సిన్హా - అరుణ్ శౌరీని తృణమూల్ కాంగ్రెస్ అధ్యక్షురాలు - పశ్చిమ బెంగాల్ సీఎం మమతా బెనర్జీ మమతను కలుసుకుని చర్చలు జరిపారు.
యూపీఏ చైర్‌ పర్సన్ సోనియాగాంధీని ఆమె నివాసంలో మమత కలుసుకున్నారు. దాదాపు 20 నిమిషాలపాటు వీరు సమావేశమయ్యారు.భేటీ అనంతరం మమత మీడియాతో మాట్లాడుతూ.. లోక్‌ సభ ఎన్నికల్లో ఏ రాష్ట్రంలో ఏ పార్టీ బలంగా ఉంటే ఆ పార్టీ బీజేపీని ఎదుర్కోవాలని, ఈ విధంగానే బీజేపీని ఓడించటం సాధ్యమవుతుందన్న తన అభిప్రాయాన్ని తాను సోనియాకు తెలియ జేశానన్నారు. ఈ విధంగా బీజేపీతో ముఖాముఖి జరిగే పోటీకి కాంగ్రెస్ కూడా సహకరించాలని కోరానని తెలిపారు. వివిధ ప్రతిపక్ష పార్టీలతో జరుపుతున్న చర్చల గురించి కూడా తమ భేటీలో మాట్లాడుకున్నామని - ప్రతిపక్షాల ఐక్య కూటమిలో కాంగ్రెస్ కూడా పాలుపంచుకోవాలని తాము కోరుకుంటున్నామని, ఇదే విషయాన్ని సోనియాకు సూచించానని చెప్పారు.
అయితే ఈ భేటీ అనంతరం బీజేపీ సీనియ‌ర్ నేత‌లైన మాజీ మంత్రులు అరుణ్ శౌరీ - యశ్వంత్ సిన్హా స‌హా ఫైర్ బ్రాండ్ నాయ‌కుడు శత్రుఘ్న సిన్హా స‌మ‌వేశం అయ్యారు. బీజేపీలో జ‌రుగుతున్న ప‌రిణామాల‌ను, సీనియ‌ర్ల‌ను ప‌క్క‌నపెడుతున్న తీరును ఈ సంద‌ర్భంగా మ‌మ‌తతో వివ‌రించిన‌ట్లు తెలుస్తోంది.ఇటీవ‌లి ఉప ఎన్నికల్లో బీజేపీకి ఓట‌మి ఎదుర‌వుతున్న క్ర‌మంలో త‌గ్గుతున్న మోడీ గ్రాఫ్ వంటి అంశాలు చ‌ర్చ‌కువ‌చ్చిన‌ట్లు స‌మాచారం. అయితే బీజేపీ నేతలు అసంతృప్త సీఎంతో పోరాట కార్యాచ‌ర‌ణ చ‌ర్చించడం ఆస‌క్తిక‌రం.
యూపీఏ చైర్‌ పర్సన్ సోనియాగాంధీని ఆమె నివాసంలో మమత కలుసుకున్నారు. దాదాపు 20 నిమిషాలపాటు వీరు సమావేశమయ్యారు.భేటీ అనంతరం మమత మీడియాతో మాట్లాడుతూ.. లోక్‌ సభ ఎన్నికల్లో ఏ రాష్ట్రంలో ఏ పార్టీ బలంగా ఉంటే ఆ పార్టీ బీజేపీని ఎదుర్కోవాలని, ఈ విధంగానే బీజేపీని ఓడించటం సాధ్యమవుతుందన్న తన అభిప్రాయాన్ని తాను సోనియాకు తెలియ జేశానన్నారు. ఈ విధంగా బీజేపీతో ముఖాముఖి జరిగే పోటీకి కాంగ్రెస్ కూడా సహకరించాలని కోరానని తెలిపారు. వివిధ ప్రతిపక్ష పార్టీలతో జరుపుతున్న చర్చల గురించి కూడా తమ భేటీలో మాట్లాడుకున్నామని - ప్రతిపక్షాల ఐక్య కూటమిలో కాంగ్రెస్ కూడా పాలుపంచుకోవాలని తాము కోరుకుంటున్నామని, ఇదే విషయాన్ని సోనియాకు సూచించానని చెప్పారు.
అయితే ఈ భేటీ అనంతరం బీజేపీ సీనియ‌ర్ నేత‌లైన మాజీ మంత్రులు అరుణ్ శౌరీ - యశ్వంత్ సిన్హా స‌హా ఫైర్ బ్రాండ్ నాయ‌కుడు శత్రుఘ్న సిన్హా స‌మ‌వేశం అయ్యారు. బీజేపీలో జ‌రుగుతున్న ప‌రిణామాల‌ను, సీనియ‌ర్ల‌ను ప‌క్క‌నపెడుతున్న తీరును ఈ సంద‌ర్భంగా మ‌మ‌తతో వివ‌రించిన‌ట్లు తెలుస్తోంది.ఇటీవ‌లి ఉప ఎన్నికల్లో బీజేపీకి ఓట‌మి ఎదుర‌వుతున్న క్ర‌మంలో త‌గ్గుతున్న మోడీ గ్రాఫ్ వంటి అంశాలు చ‌ర్చ‌కువ‌చ్చిన‌ట్లు స‌మాచారం. అయితే బీజేపీ నేతలు అసంతృప్త సీఎంతో పోరాట కార్యాచ‌ర‌ణ చ‌ర్చించడం ఆస‌క్తిక‌రం.