ఐపీఎల్ లో ఫిక్సింగ్ కలకలం : తనను సంప్రదించారని బీసీసీఐకి తెలిపిన సిరాజ్

సాఫీగా సాగుతూ ప్రేక్షకులను ఉర్రూతలూగిస్తున్న ఐపీఎల్ లో మరో కలకలం చోటు చేసుకుంది. ఉత్కంఠభరితంగా సాగుతున్న మ్యాచ్ లపై బయట బెట్టింగ్ జోరుగా సాగుతోంది. ఈ బెట్టింగ్ ఇప్పుడు టీంల వరకూ వచ్చింది. మ్యాచ్ ఫిక్సింగ్ వ్యవహారం ఐపీఎల్ లో కలకలం రేపుతోంది. హైదరాబాద్ క్రికెటర్, ప్రస్తుతం రాయల్ ఛాలెంజర్స్ బెంగళూరుకు ఆడుతున్న మహ్మద్ సిరాజ్ ను ఓ ఏపీ వ్యక్తి సంప్రదించడం దుమారం రేపుతోంది. సిరాజ్ ను సంప్రదించింది బుకీ కాదని.. ఓ ఆటో డ్రైవర్ అని తేలింది. అతడు బెట్టింగ్ వ్యవహారంలో భారీగా డబ్బు పోగొట్టుకున్నట్టు బీసీసీఐ అవినీతి నిరోధక విభాగం అధికారులు తేల్చారు.

ఐపీఎల్ ప్లేయర్‌ను సంప్రదించినందుకు ఆంధ్రప్రదేశ్‌కు చెందిన ఓ వ్యక్తిని ఏపీ పోలీసులు అరెస్ట్ చేశారు. పేరు తెలియని ఏపీ వ్యక్తికి ఆర్సీబీ పేస్ బౌలర్ మహ్మద్ సిరాజ్ కాంటాక్ట్ నంబర్ వచ్చింది. ఐపీఎల్ బెట్టింగ్‌లో పెద్ద మొత్తంలో డబ్బు పోగొట్టుకున్నానని, తీవ్ర గందరగోళంలో ఉన్నానని సిరాజ్‌కు మెసేజ్ చేశాడు. అతను సిరాజ్‌ను ఆర్థిక సహాయం కోసం అభ్యర్థించాడు.

గుర్తు తెలియని వ్యక్తి నుంచి వాట్సాప్ సందేశం వచ్చిన కొద్దిసేపటికే సిరాజ్ బీసీసీఐ అవినీతి నిరోధక బృందాన్ని ఆశ్రయించాడు. ఆ బృందం వెంటనే రంగంలోకి దిగి ఏపీ పోలీసులకు సమాచారం అందించింది.

ఐపీఎల్ బెట్టింగ్ నష్టాలపై సిరాజ్‌కు వాట్సాప్ సందేశం పంపిన ఏపీ వ్యక్తిని పోలీసులు అరెస్ట్ చేశారు. అతను ప్రస్తుతం పోలీసు కస్టడీలో ఉన్నాడు. చట్టపరమైన చర్యలు తీుకునేందుకు పోలీసులు రెడీ అయ్యారు. కోసం ప్రాసెస్ చేయబడ్డాడు.

ఈ విషయంపై బీసీసీఐ అధికారి మీడియాతో మాట్లాడారు. మహ్మద్ సిరాజ్ సంప్రదించింది బుకీ కాదు.. హైదరాబాద్ కు చెందిన ఓ డ్రైవర్ అని తేల్చారు. బీసీసీఐ ఫిర్యాదు మేరకు లా ఎన్ ఫోర్స్ మెంట్ అధికారులు ఆ వ్యక్తిని గుర్తించి అదుపులోకి తీసుకొని విచారించారని చెప్పారు