ర‌జినీపై బీజేపీ ఎంపీ సంచ‌ల‌న వ్యాఖ్య‌లు

బీజేపీ ఫైర్ బ్ర్రాండ్ ఎంపీ - సీనియ‌ర్ రాజ‌కీయ వేత్త సుబ్రమణ్యస్వామి సంచ‌ల‌న వ్యాఖ్య‌లు చేశారు. త‌ర‌చుగా రాజ‌కీయవేత్త‌ల‌పై విమర్శ‌లు గుప్పించే స్వామి తాజాగా త‌మిళ సూప‌ర్ స్టార్ ర‌జనీకాంత్‌ పై త‌న బాణం ఎక్కుపెట్టారు. ఇటీవల రజనీకాంత్ తన అభిమానుల్లో కీల‌క‌మైన వ్యక్తుల‌చే స‌మావేశం నిర్వహణకు తేదీ - వేదికను ప్రకటించిన విషయం తెలిసిందే. అయితే, ఆఖరి నిమిషంలో ఆ సమావేశాన్ని రద్దు చేశారు. అంత‌కముందుకు ఈ నెల 9వ - 10వ తేదీల్లో శ్రీలంకలో పర్యటించాలని రజనీకాంత్ భావించారు. రాజకీయ పార్టీల ఆందోళనల నేపథ్యంలో పర్యటనను రద్దు చేసుకోవ‌డం వంటి ప‌రిణామాల‌న్నీ ప్ర‌స్తావిస్తూ...ర‌జినీకాంత్‌ పై సుబ్రమ‌ణ్య‌స్వామి స్పందించారు.

రజనీకాంత్ కేవ‌లం న‌టుడు మాత్ర‌మేన‌ని సుబ్ర‌మ‌ణ్య‌స్వామి వ్యాఖ్యానించారు. ర‌జనీకి రాజకీయాల గురించి తెలియదని ఆయ‌న రాజకీయ‌నాయ‌కుడు కాక‌పోవ‌డ‌మే ఇందుకు కార‌ణ‌మ‌ని తెలిపారు. కాగా, త‌మిళ‌నాడుకు చెందిన రాజ‌కీయ నాయ‌కుల గురించి సైతం స్వామి స్పందించారు. అన్నాడీఎంకే ప‌రిణామాల గురించి ప్ర‌స్తావిస్తూ...త‌మిళ‌నాడులోని రాజ‌కీయ నాయ‌కులు గొప్ప న‌టుల‌ని ఎద్దేవా చేశారు. ఇక రాజీవ్ గాంధీ హ‌త్య గురించి ప్ర‌స్తావిస్తూ ఆ కేసులో ఏడుగురు నిందితులు జైలు నుంచి విడుదలయ్యే అవకాశమే లేదన్నారు.

ఇదిలాఉండ‌గా లిక్క‌ర్ కింగ్ విజ‌య్ మాల్యా అరెస్ట్ పై సైతం బీజేపీ ఎంపీ సుబ్ర‌మ‌ణ్య‌స్వామి స్పందించారు. ప్రధాని మోడీకి శుభాకాంక్షలు చెప్పారు. మోడీ అంటే ఇదీ అంటూ ప్రశంసించారు. మాల్యా జైలుకెళ్లాల్సిన టైమ్ దగ్గర పడిందని, ఆయన తర్వాత లలిత్ మోడీకీ ఇదే గతి పడుతుందని స్వామి ట్వీట్ చేశారు.

Like Us on Facebook : https://www.facebook.com/Tupakidotcom/