వైర‌ల్ : సోష‌ల్ మీడియాలో ష‌ర్మిల సంచ‌ల‌నం!

ఏపీ సీఎం జ‌గ‌న్ సోద‌రి, వైఎస్సార్ తెలంగాణ పార్టీ అధ్య‌క్షురాలు.. వైఎస్ ష‌ర్మిల కుటుంబ నేప‌థ్యం గురించి ఇప్ప‌టి వ‌ర‌కు తెలిసింది కొంతే. ఆమె దివంగ‌త ముఖ్య‌మంత్రి వైఎస్ రాజ‌శేఖ‌ర‌రెడ్డి, విజ‌య‌మ్మ‌ల కుమార్తెగా, ఏపీ సీఎం జ‌గ‌న్ చెల్లెలుగా,మ‌త ప్ర‌బోధ‌కుడు అనిల్ కుమార్ భార్య‌గా మాత్ర‌మే ఆమె చెప్పుకోక‌పోయినా..రెండు తెలుగు రాష్ట్రాల‌కు సుప‌రిచితురాలు అయింది. అయితే.. ఇప్పుడు హ‌ఠాత్తుగా ఆమె త‌న ఇన్ స్టాలో ఒక ఫొటోను పోస్టు చేశారు. ఇప్పుడు ఇది తెగ వైర‌ల్ గా మారింది.

ఈ ఫొటోలో ఉన్న వ్య‌క్తి ష‌ర్మిల‌, అనిల్ దంప‌తుల కుమారుడు... రాజా. తాత పేరు కలిసేలా  ఆమె కుమారుడికి పెట్టుకున్న‌ట్టు స‌మాచారం. తాజాగా రాజా పుట్టిన రోజును పుర‌స్క‌రించుకుని పోస్ట్ చేసిన ఈ ఫొటోలో త‌ల్లీ కొడుకులు.. ఎంజాయ్ చేస్తున్న‌ట్టు క‌నిపిస్తోంది. ఈ సంద‌ర్భంగా `హ్యాపీ బ‌ర్త్‌డే రాజా` `హ్యాపీ నెస్ ఆల్‌వేస్‌.. ఐలవ్ యూ ఫ‌ర్ ఎవ‌ర్‌` అని ష‌ర్మిల రాసుకొచ్చారు. అయితే.. ఇప్ప‌టి వ‌ర‌కు త‌న వ్య‌క్తిగ‌త కుటుంబ వివ‌రాల‌ను ష‌ర్మిల గానీ, అనిల్ కానీ ఎక్క‌డా ఎప్పుడూ బ‌య‌ట పెట్ట‌లేదు.

ఇటీవ‌ల రాజ‌కీయాల్లోకి వ‌చ్చి అధికార పార్టీ టీఆర్ ఎస్‌ పై తీవ్ర విమ‌ర్శ‌లు చేస్తూ.. త‌న అస్తిత్వాన్ని ప‌రిచ‌యం చేసుకునేందుకు, నిల‌బెట్టుకునేందుకు ష‌ర్మిల ప్ర‌య‌త్నిస్తున్నారు త‌ప్ప‌.. ఎప్పుడూ.. కూడా త‌న ఎంత మంది పిల్ల‌లు ఉన్నార‌ని కానీ, వారు ఏం చేస్తున్నార‌ని కానీ.. ఎప్పుడూ చెప్పుకోలేదు. ఇలాంటి స‌మ‌యంలో హ‌ఠాత్తుగా ష‌ర్మిల త‌న కుమారుడి తో ఉన్న ఫొటోల‌ను ఇన్ స్టాలో పోస్టు చేయ‌డం.. నెటిజ‌న్ల‌ను బాగా ఆక‌ట్టుకోవ‌డం విశేషం.