కన్నడ బిగ్ బాస్ లో తెలుగు బిగ్ బాస్ కంటెస్టెంట్..!

దేశమంతా బిగ్ బాస్ హంగామా నడుస్తుని. ఓ పక్క తెలుగులో బిగ్ బాస్ సీజన్ 8 11 వారాలు పూర్తి కాగా బిగ్ బాస్ తమిళ్ సీజన్ 8 కూడా ఈమధ్యనే మొదలైంది. మరోపక్క బిగ్ బాస్ హిందీ కూడా కొనసాగుతుంది. బిగ్ బాస్ కన్నడ సీజన్ 11 కూడా సక్సెస్ ఫుల్ గా రన్ అవుతుంది.

బిగ్ బాస్ కన్నడ ని అక్కడ స్టార్ హీరో సుదీప్ హోస్ట్ చేస్తున్నారు. బిగ్ బాస్ హిందీ తర్వాత కన్నడలో అంత పాపులారిటీ తెచ్చుకుంది. ఐతే బిగ్ బాస్ కన్నడ ప్రస్తుతం 11వ సీజన్ జరుపుతుండగా ఈమధ్యనే మొదలైన ఈ సీజన్ లోకి తెలుగు బిగ్ బాస్ కంటెస్టెంట్ ఎంట్రీ ఇచ్చింది.

అదేంటి బిగ్ బాస్ తెలుగు నుంచి బిగ్ బాస్ కన్నడకు ఎలా షిఫ్ట్ అవుతారు అనుకోవచ్చు. బిగ్ బాస్ సీజన్ 7 తెలుగులో వచ్చిన ఒక కంటెస్టెంట్ ని ఇప్పుడు బిగ్ బాస్ సీజన్ 11 కన్నడలో తీసుకొచ్చారు. అది కూడా వైల్డ్ కార్డ్ ఎంట్రీగా సర్ ప్రైజ్ చేశారు. ఇంతకీ బిగ్ బాస్ కన్నడలో వైల్డ్ కార్డ్ ఎంట్రీ ఇచ్చింది ఎవరు అంటే బిగ్ బాస్ సీజన్ 7 లో అదరగొట్టిన శోభిత అని తెలుస్తుంది.

బిగ్ బాస్ సీజన్ 7 లో ప్రియాంక, అమర్ దీప్ లతో పాటు శోభిత శెట్టి కూడా అలరించింది. స్టార్ మా బ్యాచ్ అని ముద్ర పడినా కూడా చివరి వారాల దాకా వాళ్లు లాక్కొచ్చారు. శోభిత టాప్ 5 దాకా వెళ్లలేదు కానీ ఆమె కూడా ఆడియన్స్ ని అలరించింది.

ఐతే ఒకసారి బిగ్ బాస్ ఎక్స్ పీరియన్స్ అయ్యింది చాలలేదు అనుకుంటా అందుకే శోభా శెట్టి ఇప్పుడు బిగ్ బాస్ కన్నడలో కూడా దర్శనమిచ్చింది. ఆదివారం ఎపిసోడ్ లో అక్కడ హోస్ట్ సుదీప్ శోభిత శెట్టిని హౌస్ లోకి పంపించారు.

శోభిత తో పాటు మరో వైల్డ్ కార్డ్ ఎంట్రీ కూడా ఇచ్చాడు. మొత్తానికి బిగ్ బాస్ కన్నడలో ఫైర్ తీసుకొచ్చేందుకు శోభిత ఎంట్రీ షురూ అయ్యింది. బిగ్ బాస్ కన్నడ విషయానికి వస్తే హోస్ట్ సుదీప్ పేరు బాగా వినిపిస్తుంది. ఆయన వారం మొత్తం జరిగిన టాస్కుల్లో కంటెస్టెంట్స్ పర్ఫార్మెన్స్ గురించి చాలా క్లియర్ గా మాట్లాడుతారు. ఆయన షో చూస్తారా లేదా అన్నది తెలియదు కానీ అన్ని ఇంపుట్స్ చాలా క్లియర్ గా ఇస్తారని టాక్.

బిగ్ బాస్ తెలుగు లో నాగార్జున తన బిజీ షెడ్యూల్ వల్ల బిగ్ బాస్ టీం ఇచ్చిన స్క్రిప్ట్ చదువుతారని టాక్ ఉంది. అప్పుడప్పుడు సోషల్ మీడియాలో సుదీప్ హోస్ట్ ని చూపించి తెలుగు బిగ్ బాస్ మీద కామెంట్స్ చేస్తుంటారు. సుదీప్ హోస్ట్ గా చేస్తున్న బిగ్ బాస్ కన్నడలో శోభా శెట్టి వైల్డ్ కార్డ్ ఎంట్రీ ఇచ్చింది. మరి అమ్మడు వెళ్లాక అక్కడ కంటెస్టెంట్స్ లో ఎలాంటి రెస్పాన్స్ ఉందో చూడాలి.