ఇరైవన్ ట్రైలర్ టాక్.. బయపెట్టే సైకో!
పొన్నియన్ సెల్వన్ 2 తర్వాత జయం రవి ఇమేజ్ అమాంతం పెరిగిపోయింది.
పొన్నియన్ సెల్వన్ 2 తర్వాత జయం రవి ఇమేజ్ అమాంతం పెరిగిపోయింది. అతను హీరోగా వచ్చే సినిమాలపై కూడా సౌత్ లో ప్రత్యేక ఫోకస్ ఉంటుంది. ధృవ తర్వాత జయం రవి కథల ఎంపిక పూర్తిగా మారిపోయింది. కమర్షియల్ అంశాలతో పాటుగా కొత్తదనం ఉన్న కంటెంట్ లని ఎంపిక చేసుకుంటున్నారు. ఇప్పుడు అలాంటి ఇంటరెస్టింగ్ కథాంశంతో ఇరైవన్ మూవీ చేశారు.
ఐ అహ్మద్ దర్శకత్వంలో తెరకెక్కిన ఈ మూవీ ట్రైలర్ తాజాగా ప్రేక్షకుల ముందుకి వచ్చింది. యువన్ శంకర్ రాజా చాలా రోజుల తర్వాత పవర్ ఫుల్ బ్యాగ్రౌండ్ మ్యూజిక్ ని ఇరైవన్ మూవీ కోసం అందించినట్లు ట్రైలర్ చూస్తుంటే తెలుస్తోంది. అమ్మాయిలని లక్ష్యంగా చేసుకొని వారిని కిడ్నాప్ చేస్తూ కిరాతకంగా హత్యలు చేసే సైకో కిల్లర్, అతని పట్టుకోవడానికి రంగంలోకి దిగే పోలీస్ ఆఫీసర్ గా జయం రవి కనిపిస్తున్నారు.
నేరం చేసేవాడికి భూమి మీద బ్రతికే హక్కు లేదు అని నమ్ముతూ ఎన్ కౌంటర్లు చేసే జయం రవి సైకో కిల్లర్ రాహుల్ బోస్ ని ఎలా పట్టుకున్నాడు. ఆ కేస్ ని ఎలా డీల్ చేసాడు అనేది మూవీలో భాగంగా ఉన్నట్లు కనిపిస్తోంది. కథ ఏంటి అనేది ట్రైలర్ లోనే దర్శకుడు చెప్పేసాడు. అయితే వాడిని ఎలా పట్టుకున్నాడు అనే కథాంశంపైన దర్శకుడు ప్రత్యేక ఫోకస్ పెట్టినట్లు కనిపిస్తోంది.
తని ఒరువన్ తర్వాత జయం రవి, నయనతార ఈ చిత్రంలో జోడీగా నటించారు. ప్రేమించి పెళ్లి చేసుకున్న వారి లైఫ్ లో ఈ సైకో కిల్లర్ ఎలాంటి అలజడి సృష్టించాడు అనేది కూడా కథలో భాగంగా ఉన్నట్లు ట్రైలర్ చూస్తుంటే తెలుస్తోంది. ఈ ట్రైలర్ అయితే వేర్ ఇంటెన్నివ్ గానే ఉంది.
దీనికి యువన్ శంకర్ రాజా బ్యాగ్రౌండ్ మ్యూజిక్ కూడా హైలైట్ గా ఉంది. ఫ్యాషన్ స్టూడియోస్ ఈ చిత్రాన్ని నిర్మించింది. ఆశిష్ విద్యార్థి పోలీస్ ఆఫీసర్ గా మరో కీలక పాత్రలో నటించాడు. ఈ నెల 28న ఈ చిత్రం థియేటర్స్ లోకి రాబోతోంది. మరి ఏ మేరకు మూవీ ప్రేక్షకులని మెప్పిస్తుందనేది చూడాలి.