ముంబై డైరీస్ సీజన్ 2.. ట్రైలర్ ఎలా ఉందంటే..

అమెజాన్ ప్రైమ్ లో ముంబై డైరీస్ వెబ్ సిరీస్ ఎంత పెద్ద హిట్ అయ్యిందో అందరికి తెలిసిందే. ముంబై టెర్రర్ ఎటాక్స్ నేపథ్యంలో ముంబై డైరీస్ సీజన్ 1 తెరకెక్కించారు. దీనికి అద్భుతమైన రెస్పాన్స్ వచ్చింది. మరల చాలా గ్యాప్ తర్వాత ముంబై డైరీస్ సీజన్ 2 స్టార్ట్ చేశారు. సీజన్ 2 ట్రైలర్ ని తాజాగా రిలీజ్ చేశారు. ముంబైలో 2005 వచ్చిన వరదల నేపథ్యంలో తెరకెక్కించారు. ఆ వరదలలో సుమారు 1000 మంది ప్రాణాలు కోల్పోయారు.

ఆ సంఘటనలకి దృశ్యరూపం ఇస్తూ ముంబై డైరీస్ సీజన్ 2 ఆవిష్కరించినట్లు ట్రైలర్ చూస్తుంటే తెలుస్తోంది. ఇక ట్రైలర్ లోకి వెళ్తే ముంబైలో 2005, జులై 26న వర్షం ప్రారంభమై అది తుఫాన్ గా మారింది.వరదలు నగరాన్ని ముంచెత్తాయి. ప్రజల జీవితం అస్తవ్యస్తంగా మారిపోయింది. రోడ్డుపై వాహనాలు ఎక్కడికక్కడ ట్రాఫిక్ లో చిక్కుకున్నాయి. సామాన్య ప్రజలు వరదలో కొట్టుకుపోవడం, మ్యాన్ హోల్స్ లో పడి గల్లంతు కావడం జరుగుతుంది.

అదే సమయంలో బాంబే జనరల్ హాస్పిటల్ లో ట్రీట్మెంట్ కోసం వచ్చే రోగులు కూడా వరదల కారణంగా సవాళ్లు ఎదుర్కొన్నారు. ప్రకృతి విపత్తుని ప్రభుత్వం, అధికారులు, ప్రజలు ఎలా ఎదుర్కొన్నారు అనేది ట్రైలర్ లో ఆవిష్కరించారు. ట్రైలర్ చూస్తున్నంత సేపు వరదల బీభత్సం ముంబై నగరాన్ని ఎంత దారుణంగా భయపెట్టిందో కనిపిస్తోంది. మోహిత్ రానా, కొంకణా సేన్ శర్మ, సత్యజిత్ దూబే, శ్రేయా ధన్వంతరి తదితరులు నటించారు.

రీసెంట్ గా మలయాళీ సూపర్ హిట్ మూవీ 2018కి ముంబై డైరీస్ సీజన్ 2 దగ్గరగా ఉందని చెప్పొచ్చు. ఈ మూవీ కూడా కేరళలో సంభవించిన తుఫాన్, వరదల నేపథ్యంలోనే తెరకెక్కించారు. మూవీ బ్లాక్ బస్టర్ హిట్ అయ్యింది. ఇంచుమించు అలాంటి కథాంశంతోనే ముంబై డైరీస్ రాబోతోంది. ముంబై డైరీస్ సీజన్ 1 టెర్రర్ ఎటాక్స్ నేపథ్యంలో ఆవిష్కరించడం వలన ఎమోషనల్ గా చాలా మందికి కనెక్ట్ అయ్యింది. మరి ఈ ముంబై ఫ్లడ్స్ నేపథ్యంలో ఈ మేరకు ఆడియన్స్ ని మెప్పిస్తారనేది చూడాలి. అక్టోబర్ 26న ఈ వెబ్ సిరీస్ అమెజాన్ ప్రైమ్ లో రిలీజ్ కానుంది.