50 డేస్.. ప్రభాస్ ఫ్యాన్స్ కి గుడ్ న్యూస్

యంగ్ రెబల్ స్టార్ ప్రభాస్ 'ఆదిపురుష్‌' ప్రమోషన్ కార్యక్రమాల తర్వాత యూఎస్‌ఏ కు వెళ్లిన విషయం తెల్సిందే. అప్పటి నుండి మొన్న జరిగిన శాన్‌ డియాగో ఈవెంట్‌ వరకు అక్కడే ఉన్నాడు. దాదాపు 50 రోజుల పాటు ప్రభాస్ యూఎస్‌ఏ లోనే ఉంటూ వస్తున్నాడు. నేడు ఉదయం యూఎస్ నుండి హైదరాబాద్‌ కు ప్రభాస్ చేరుకోవడంతో ఆయన ఇంటి వద్ద హడావుడి నెలకొంది.

సలార్ సినిమా రిలీజ్ డేట్ సమీపిస్తున్న నేపథ్యంలో బ్యాలన్స్ షూటింగ్‌ వర్క్ ను ముగించేందుకు ఆగస్టు మొదటి వారంలో డేట్లు ఇవ్వడం జరిగిందని తెలుస్తోంది. అమెరికాలో ఇన్ని రోజులు పూర్తి విశ్రాంతిలో ఉన్న ప్రభాస్ సలార్‌ సినిమా షూటింగ్ కోసం రేపటి నుండే కసరత్తులు మొదలు పెట్టే అవకాశం ఉందని తెలుస్తోంది.

కల్కి 2898 ఏడి సినిమా షూటింగ్ కూడా చాలా పెండింగ్ ఉంది. ఆ సినిమా షెడ్యూల్‌ కూడా ఆగస్టు లో ఉండబోతుందని తెలుస్తోంది. మొత్తానికి 50 రోజుల తర్వాత వచ్చిన ప్రభాస్‌ తిరిగి తన రెగ్యులర్‌ షూటింగ్స్ కు హాజరు అవ్వబోతున్నాడు.

సలార్.. కల్కి సినిమాల షూటింగ్స్ మాత్రమే కాకుండా మారుతి దర్శకత్వంలో చేస్తున్న సినిమా షూటింగ్‌ కూడా వాయిదా పడుతూ వస్తోంది. త్వరలోనే అది కూడా పునః ప్రారంభించే అవకాశం ఉంది.

సలార్‌.. కల్కి.. మారుతి సినిమా ఇలా వరుసగా ప్రాజెక్ట్‌ లు రిలీజ్ కు సిద్ధంగా ఉన్నాయి. వాటి షూటింగ్ కూడా పెండింగ్ ఉంది. అయినా కూడా 50 రోజులు అమెరికాలో విశ్రాంతి తీసుకోవడం ఆశ్చర్యంగా ఉందటూ కొందరు కామెంట్స్ చేస్తున్నారు. ఇప్పటికే ఆలస్యం అయిన ఆ మూడు ప్రాజెక్ట్‌ ల షూటింగ్స్ ను ఈ ఏడాది లోనే ముగించబోతున్నారు.

సలార్‌ సినిమాను సెప్టెంబర్‌ 28న ప్రేక్షకుల ముందుకు తీసుకు రాబోతున్నారు. కల్కి 2898 ఏడి సినిమా ను 2024 సంక్రాంతికి విడుదల చేయాలని భావించినా కూడా కొన్ని కారణాల వల్ల అదే ఏడాది సమ్మర్‌ కు వాయిదా పడే అవకాశాలు కనిపిస్తున్నాయి. విడుదలకు సమయం ఉన్నా కూడా ఈ రెండు మూడు నెలల పాటు ప్రభాస్ బిజీ బిజీగా షూటింగ్స్ లో పాల్గొనే అవకాశాలు ఉన్నాయి. కనుక ఇది ఫ్యాన్స్ కి అతి పెద్ద గుడ్ న్యూస్ గానే చెప్పుకోవచ్చు.