మృణాల్ భవిష్యత్.. ఆ రెండిటిపైనే భారీ ఆశలు!
రొమాంటిక్ క్లాసిక్ ఫిల్మ్ సీతారమంతో ప్రేక్షకుల మదిలో సీతగా నిలిచిపోయింది హీరోయిన్ మృణాల్ ఠాకూర్.
రొమాంటిక్ క్లాసిక్ ఫిల్మ్ సీతారమంతో ప్రేక్షకుల మదిలో సీతగా నిలిచిపోయింది హీరోయిన్ మృణాల్ ఠాకూర్. తెలుగు ప్రేక్షకుల మనసుల్ని దోచుకుని ఎంతో క్రేజ్ సంపాదించుకుంది. ఆ సినిమా సకెస్స్లో మృణాల్ అందం, అభినయం కీలక పాత్ర పోషించింది.
అయితే ఈ సినిమా విడుదలై ఏడాది దాటిపోయిన ఆమె మరో తెలుగు సినిమాతో స్క్రీన్పై మెరవలేదు. హిందీలో మాత్రం చేసింది. అది కూడా బోల్డ్గా. పైగా సోషల్ మీడియాలో హాట్ ఫొటోషూట్స్తో రచ్చ చేసింది. దీంతో కొన్ని విమర్శలను కూడా ఎదుర్కొంది. అయినా సీతగా వచ్చిన క్రేజ్ ముందు విమర్శలు పెద్దగా కనిపించలేదు.
మృణాల్ హాట్ షో గురించి పక్కపెడితే.. తెలుగులో నెక్ట్స్ స్టార్ హీరోయిన్ ఈమె అవుతుందని అంతా అనుకున్నారు. కానీ అదే సమయంలో శ్రీలీల వచ్చి ఆ ఛాన్స్ కొట్టేసింది. వరుస అవకాశాలను దక్కించుకుని రెండు బ్లాక్ బాస్టర్లను కూడా అందుకుంది. దీంతో తెలుగులో మృణాల్ స్టార్ స్టేటస్కు శ్రీలీల కాస్త అడ్డంకిగా మారిందనే చెప్పాలి.
అయితే నెక్ట్స్ మృణాల్ నుంచి రాబోయే మూడు నెలల్లో రెండు సినిమాలు రాబోతున్నాయి. డిసెంబర్లో నానితో ఎమోషనల్ డ్రామా హాయ్ నాన్న, వచ్చే ఏడాది సంక్రాంతికి విజయ్ దేవరకొండతో ఫ్యామిలీ స్టార్గా థియేటర్లలో సందడి చేయనుంది. ఈ రెండు చిత్రాలు ఇప్పుడు ఆమెకు ఎంతో కీలకం.
ఎందుకంటే ఈ రెండు చిత్రాల రిజల్ట్పైనే ఆమె తెలుగు కెరీర్ ఆధారపడి ఉంది. వీటి రిజల్ట్ ఆధారంగానే తమ సినిమాల్లో మృణాల్ ఠాకూర్ను తీసుకోవాలా వద్దా అని కొంతమంది దర్శకనిర్మాతలు ఎదురు చూస్తు కూర్చున్నారు. ఆ రెండు సినిమాలు హిట్ అయితే వెంటనే తమ సినిమాలకు ఓకే చేయాలని కాచుకుని ఉన్నారు.
అదే ఆ చిత్రాల ఫలితాలు ఏమైనా తేడా కొడితే మాత్రం.. తెలుగులో బిగ్ హీరోయిన్ అయ్యే అవకాశం మృణాల్ ఠాకూర్కు చేజారినట్టే. ఇక అందరూ ఆమెను సీతారామం సీతగానే గుర్తుంచుకుంటారు. అయితే మృణాల్ మాత్రం.. తాను ఆచితూతి హాయ్ నాన్న, ఫ్యామిలీ స్టార్ పాత్రలను ఎంచుకున్నట్లు అంటోంది. హాయ్ నాన్నలోని పాత్ర అయితే తప్పకుండా ప్రేక్షకుల్లో ప్రభావం చూపుతుందని చెబుతోంది. చూడాలి మరి ఏం జరుగుతుందో...