అఖండ 2.. ఆ రెండింటిలో ఏదో ఒక డేట్

నందమూరి బాలకృష్ణ బోయపాటి కాంబినేషన్ అంటే ఫ్యాన్స్ లో ఓ రకమైన క్రేజ్ ఉంటుంది. బాలయ్యని ఎలా చూపించాలో బోయపాటికి కరెక్ట్ గా తెలుసని నందమూరి అభిమానులు బలంగా నమ్ముతారు. బోయపాటి శ్రీనుకి కూడా ఇతర హీరోలతో ఆశించిన స్థాయిలో సక్సెస్ లు రాకపోయిన బాలయ్యతో బ్లాక్ బస్టర్ హిట్స్ అందుకుంటున్నాడు. ఇప్పటి వరకు బోయపాటి బాలయ్య కాంబినేషన్ లో సింహ, లెజెండ్, అఖండ సినిమాలు వచ్చాయి.

ఈ మూడు బ్లాక్ బస్టర్ హిట్ అయ్యాయి. అఖండ మూవీ అయితే రికార్డ్ స్థాయిలో కలెక్షన్స్ ని అందుకుంది. బాలయ్య కెరియర్ లో హైయెస్ట్ కలెక్షన్స్ అందుకున్న చిత్రంగా అఖండ నిలిచింది. ప్రజలకి బాగా కనెక్ట్ అయ్యే దైవాన్ని ఇందులో మెయిన్ ఫ్యాక్టర్ గా చూపించి యాక్షన్ బ్యాక్ డ్రాప్ లో కథ చెప్పడం అందరికి బాగా కనెక్ట్ అయ్యింది. ఇదిలా ఉంటే బోయపాటి శ్రీను త్వరలో అఖండ సీక్వెల్ ని మొదలు పెట్టబోతున్నారు.

ఇప్పటికే ఈ సినిమా అఫీషియల్ ఎనౌన్స్ మెంట్ వచ్చింది. ప్రస్తుతం బాలకృష్ణ బాబీ దర్శకత్వంలో మూవీ చేస్తున్నారు. ఈ మూవీ షూటింగ్ ఫైనల్ స్టేజ్ లో ఉంది. బాబీ సినిమా కంప్లీట్ అయిన వెంటనే బోయపాటి దర్శకత్వంలో అఖండ సీక్వెల్ షూటింగ్ ని స్టార్ట్ చేసే అవకాశం ఉందనే టాక్ వినిపిస్తోంది. త్వరలో ఈ షూటింగ్ కి సంబందించిన అఫీషియల్ అప్డేట్ రావొచ్చని భావిస్తున్నారు. ఇదిలా ఉంటే ఈ మూవీ షూటింగ్ ఇంకా ప్రారంభించకుండానే రిలీజ్ డేట్ పై కూడా అప్పడే చిత్ర యూనిట్ ప్లాన్ చేస్తోందంట.

అఖండ సినిమాని డిసెంబర్ 2న రిలీజ్ చేశారు. ఇదే సెంటిమెంట్ ని ఫాలో అయ్యి 2025 డిసెంబర్ లో అఖండ 2 రిలీజ్ చేయడానికి ఉన్న అవకాశాలు పరిశీలిస్తున్నారంట. ఒక వేళ డిసెంబర్ లో రిలీక్ కాని పక్షంలో 2026 జనవరికి సంక్రాంతి కానుకగా ప్రేక్షకుల ముందుకి తీసుకొని రావాలని బోయపాటి టీమ్ ఆలోచిస్తున్నారంట. ఆ రెండు నెలల్లో ఏదో ఒక డేట్ అయితే కన్ఫర్మ్ చేసే ఛాన్స్ ఉందని ఇండస్ట్రీ వర్గాలలో వినిపిస్తోంది.

2026 సంక్రాంతి అంటే చాలా పాన్ ఇండియా సినిమాలు పోటీలో ఉండే ఛాన్స్ ఉంది. మెగస్టార్ విశ్వంభర కూడా అదే టైమ్ లో రానుంది. వెంకీ అనిల్ సినిమా కూడా ఇప్పటికే సంక్రాంతికి వస్తున్నాం అనేశారు. ఇక అఖండ 2ని కూడా పాన్ ఇండియా ప్రాజెక్ట్ గానే బోయపాటి తెరకెక్కించబోతున్నారు. అయితే ఇమేజ్ పరంగా బాలకృష్ణ ఆ పాన్ ఇండియా స్టార్స్ తో పోటీ పడగలడా అనేది చెప్పలేం. కానీ అఖండ లాంటి బ్లాక్ బస్టర్ మూవీ సీక్వెల్ గా వస్తోన్న చిత్రం కాబట్టి హైప్ ఉంటుంది. అలాగే బాలయ్య కెరియర్ లోనే హైయెస్ట్ బడ్జెట్ తో ఈ సినిమా రెడీ అవుతోందని తెలుస్తోంది. అందుకే అఖండ 2 ఎప్పుడు రిలీజ్ అయిన ప్రేక్షకుల నుంచి భారీ రెస్పాన్స్ వస్తుందని ట్రేడ్ పండితులు అంచనా వేస్తున్నారు.