నందమూరి హీరో వసూళ్లేనా ఇవి?

నందమూరి కాంపౌండ్ కు కొత్త ఏడాది బొత్తిగా కలిసి వచ్చినట్టు లేదు. ఒకపక్క బాలకృష్ణ ఎన్నో అంచనాలతో కథానాయకుడు మహానాయకుడు అంటూ నాన్న ఎన్టీఆర్ బయోపిక్ తో ముందుకు వస్తే ప్రేక్షకులు నిర్మొహమాటంగా తిరస్కరించారు.సరే పోతే పోయిందిలే అబ్బాయ్ కళ్యాణ్ రామ్ ఏదో డిఫరెంట్ గా ట్రై చేసాడు కదా 118తో సాలిడ్ హిట్ దక్కుతుందేమో అని ఎదురు చూసారు అభిమానులు. అయితే వాళ్ళ అంచనాలు నీరుగారుస్తూ 118 వసూళ్లు అంత ఘనంగా లేకపోవడం పరిస్థితి ఏంటో చెప్పకనే చెబుతోంది.

మొదటి వీక్ ఎండ్ దాటేలోపు కేవలం 4 కోట్ల కలెక్షన్లు రావడం చూసి ట్రేడ్ సైతం ఆశ్చర్యపోతోంది. పబ్లిక్ టాక్ డివైడ్ గా ఉన్నప్పటికీ ఆన్ లైన్ లో 118 మీద చాలా పాజిటివ్ బజ్ నడిచింది. అయితే అదేదీ వసూళ్ల రూపంలో మారడం లేదు. పెద్ద బ్యాక్ గ్రౌండ్ ఉన్న హీరో సినిమా అందులోనూ బాబాయ్ బాలకృష్ణ తమ్ముడు జూనియర్ ఎన్టీఆర్ ఇద్దరూ స్టార్లే. పైగా ప్రీ రిలీజ్ కు కలిసి వచ్చి దగ్గురుండి మరీ ప్రమోట్ చేసారు. అయినా లాభం లేకపోతున్నట్టు టికెట్ కౌంటర్లు చెబుతున్నాయి.

 విభిన్న ప్రయత్నం చేసినప్పటికీ ప్రేక్షకులను పూర్తి స్థాయిలో మెప్పించడంలో 118 పూర్తిగా సక్సెస్ కాలేదని దీన్ని బట్టి అర్థమవుతోంది. చిన్న హీరోల తరహాలో మూడు రోజులకు 4 కోట్లు తేవడం చూసి ట్రేడ్ సైతం ఆశ్చర్యపోతోంది. కొందరు కమెడియన్లు హీరోగా చేసిన సినిమాలకు ఇంతే వసూళ్లు వస్తాయని కామెంట్ చేయడం గమనార్షం. ఏదేమైనా కళ్యాణ్ రామ్ కోరుకున్న బ్లాక్ బస్టర్ 118 ఇచ్చే ఛాన్స్ లేదని తేలిపోయినట్టే. ఈ రోజు సెలవు కాబట్టి ఏదోలా రాబట్టినా రేపటి నుంచి నమోదయ్యే డ్రాప్ పర్సెన్టేజ్ ని బట్టి ఫైనల్ స్టేటస్ తేలుతుంది