త‌ళా అజిత్ వార‌సుడిని చూశారా?

న‌ట‌వార‌సులు రాజ్య‌మేలుతున్న త‌రుణ‌మిది. బాలీవుడ్ -కోలీవుడ్-టాలీవుడ్ అన్నిచోట్లా ఇదే స‌న్నివేశం నెల‌కొంది. స్టార్‌ కిడ్స్ వార‌సులు సెల‌బ్రిటీలుగా ఫాలోయింగ్ తెచ్చుకుంటున్నారు. స్టార్స్ కి వుండే క్రేజ్ కార‌ణంగా వారి పిల్ల‌లపైనా జనాల ఫోక‌స్ ఆ రేంజులోనే ఉంది.

త‌ళా అజిత్ కు త‌మిళ‌నాడులో ఏ స్థాయి క్రేజ్ వుందో తెలిసిందే. అజిత్ హాలీవుడ్ హీరోల త‌ర‌హాలో గ్రే హెయిర్ తో న‌టించినా అత‌న్ని చూడ‌టానికి థియేట‌ర్ల‌న్నీ అభిమానుల‌తో కిక్కిరిపోతుంటాయి. అలాంటి బీభ‌త్స‌మైన ఫ్యాన్ ఫాలోయింగ్ వున్న హీరో వార‌సుడు అంటే అదే స్థాయి ఫాలోయింగ్ వుండ‌టం కామ‌న్‌. త‌ళా అజిత్ కొడుకు అద్వైక్‌ కూడా అలాంటి ఫ్యాన్ ఫాలోయింగ్ ని ఎంజాయ్ చేస్తున్నాడు. ఎప్పుడూ ప‌బ్లిక్ ఫంక్ష‌న్ల‌లో క‌నిపించ‌ని అద్వైక్ తాజాగా ఓ అభిమాని కంట ప‌డ్డాడు. అద్వైక్ త‌న మ‌మ్మీ షాలినితో క‌లిసి అభిమానికి దొరికాడు అంతే.

ఇంకేం ఉంది? ఆ అభిమాని క‌ట్ట‌లు తెంచిన ఉత్సాహంతో షాలిని అనుమ‌తితో సెల్ఫీ దిగేశాడు. ప్రస్తుతం ఈ ఫొటో సోష‌ల్ మీడియాలో వైర‌ల్‌గా మారింది. అయితే అద్వైక్‌తో సెల్ఫీని తొలుత‌ నిరాకరించిన షాలిని త‌న కుమారుడితో క‌లిసి తాను కూడా స‌ద‌రు అభిమానితో ఫోటో దిగింది. త‌ల్లి కొడుకుల‌తో క‌లిసి ఆ వీరాభిమాని సెల్ఫీకి పోజిచ్చాడు. ఈ ఫొటోలు ఇంటర్ నెట్ లో వైర‌ల్ గా మారి అభిమానుల్ని ఆక‌ట్టుకుంటున్నాయి. సెల్ఫీ ఫొటోల్లో త‌ళా వార‌సుడు హాఫ్ బ్లూ టీష‌ర్ట్ లో.. షాలిని లేత గులాబీ రంగు డ్రెస్ లో క‌నిపిస్తున్నారు. 2015 మార్చి 2న అద్వైక్ పుట్టాడు. ఇప్ప‌డత‌నికి నాలుగేళ్లు దాటాయి. దీంతో అజిత్ వార‌సుడు ఎప్పుడు సినిమాల్లోకి బాల‌న‌టుడిగా అరంగేట్రం చేస్తాడా అని అభిమానులు ఆశగా ఎదురు చూస్తున్నారు.  టాలీవుడ్ లో ప‌వ‌న్ - మ‌హేష్- అల్లు అర్జున్- ఎన్టీఆర్- నానీ వంటి స్టార్ల వార‌సుల‌కు ఉన్న ఫాలోయింగ్ తెలిసిందే.