మరోసారి బాలీవుడ్ లోకి సౌత్ స్టార్..!

కోలీవుడ్ స్టైలిష్ డైరెక్టర్ విష్ణువర్ధన్ తాజాగా కార్గిల్ యుద్ధం నేపథ్యంలో ఓ హిందీ చిత్రాన్ని రూపొందించడానికి ప్లాన్ చేస్తున్నాడట. అయితే ఈ సినిమాలో కీలక ఆర్మీ మేజర్ పాత్ర ఒకటుందట. ఇటీవలే ఈ పాత్రలో నటించవలసిందిగా విష్ణువర్ధన్ ఇటీవల తమిళ స్టార్ హీరో తలా అజిత్ ను సంప్రదించాడని సమాచారం. అజిత్ కి ఆ పాత్ర నచ్చి విష్ణువర్థన్ తో ఓకే చెప్పినట్లు వినికిడి. తలా అజిత్ ఇదివరకే శ్రీదేవి నటించిన ‘ఇంగ్లిష్ వింగ్లిష్’ సినిమాలో అతిథి పాత్రలో కనిపించాడు. ఇదిలా ఉండగా ఆర్మీ ఆఫీసర్ పాత్రలలో కనిపించడం అజిత్ కి కొత్తేమి కాదు.

అజిత్‌ హీరోగా బిల్లా - ఆరంభం లాంటి సూపర్‌ హిట్ సినిమాలను తెరకెక్కించిన దర్శకుడు విష్ణువర్ధన్‌. తెలుగు పవర్ స్టార్ పవన్‌ కళ్యాణ్ హీరోగా పంజా సినిమాను రూపొందించాడు. తాజాగా ఈ దర్శకుడు బాలీవుడ్ ఇండస్ట్రీలోకి అడుగుపెట్టబోతున్నాడు. ప్రముఖ బాలీవుడ్ నిర్మాత కరణ్‌ జోహర్‌ నిర్మాణంలో సిద్ధార్థ్‌ మల్హోత్రా హీరోగా ఓ బయోపిక్‌‌ను తెరకెక్కించనున్నాడు విష్ణు. కార్గిల్‌ యుద్ధంలో ప్రాణాలు కోల్పోయిన కెప్టెన్‌ విక్రమ్‌ బాత్రా జీవిత కథ ఆధారంగా తెరకెక్కనున్న ఈ సినిమాతో విష్ణువర్ధన్‌ బాలీవుడ్‌ కు పరిచయం అవుతున్నాడు. ప్రస్తుతం ప్రీ ప్రొడక్షన్‌ కార్యక్రమాలు జరుపుకుంటున్న ఈ సినిమాకు సంబంధించి పూర్తి వివరాలు త్వరలో వెల్లడిస్తారట.