సమ్మర్ లో బన్నీ సెన్సేషన్ గ్యారంటీ

బోయపాటి శీను సినిమాలంటేనే బోలెడన్ని ఎమోషన్స్ తో పాటు ఎంతో గ్రాండ్ గా ఉంటాయి. హై ఓల్టేజ్ యాక్షన్ సన్నివేశాలతో కట్టిపడేస్తాడు బోయపాటి. స్టయిలిష్ స్టార్ అల్లు అర్జున్ తో కలిసి ఈ డైరెక్టర్ తెరకెక్కిస్తున్న సరైనోడు.. ఈ సమ్మర్ లో రిలీజ్ కు రెడీ అవుతోంది. ఇప్పటికే షూటింగ్ పార్ట్ దాదాపు ఫినిష్ చేసుకోగా.. ప్రస్తుతం ఈ చిత్ర యూనిట్ బొలీవియాలో పాటలు పాడుకుంటోంది.

బొలీవియాలో తీయనున్న రెండు పాటలు విజువల్స్ పరంగా అత్యంత ఆకర్షణీయంగా ఉంటాయని అంటున్నారు. ఇప్పటివరకూ తెలుగు ఆడియన్స్ చూడని లొకేషన్స్ ను తెరపై చూపించి, థ్రిల్ చేయాలని డిసైడ్ అయ్యారు. అందుకే ముందు బొలివీయా లొకేషన్స్ ను షేర్ చేస్తానన్న హీరోయిన్ రకుల్ ప్రీత్ సింగ్ కూడా.. ఇప్పుడ అక్కడి నుంచి ఒక ఫోటో కూడా నెట్ లో పెట్టడం లేదని తెలుస్తోంది.  పాటలు - ఫైట్లు మాత్రమే కాకుండా.. నిర్మాణ పరంగా కూడా విజువల్ ట్రీట్ లా సరైనోడు ఉంటుందనే టాక్ వినిపిస్తోంది. ప్రొడక్షన్ విషయంలో ఏ మాత్రం కాంప్రమైజ్ కాకుండా కాకుండా తెరెకెక్కిసున్నారు. గీతాఆర్ట్స్ బ్యానర్ పై నిర్మిస్తున్న చిత్రం కావడంతో.. బడ్జెట్ విషయంలో ఎలాంటి లిమిటేషన్స్ లేవనే టాక్ వినిపిస్తోంది.

యాంగ్రీ యంగ్ మ్యాన్ గా బన్నీ కొత్త లుక్ కి ఇప్పటికే విపరీతమైన క్రేజ్ ఏర్పడగా.. హీరోయిన్ రకుల్ ప్రీత్ సింగ్ పల్లెటూరి పిల్లగా కనిపిస్తూ అలరించనుంది. మరో హీరోయిన్ కేథరిన్ థ్రెసా ఎమ్మెల్యే రోల్ చేస్తోంది. కొత్త కొత్త కాంబినేషన్స్ తో తెరకెక్కిన ఈ మూవీ.. సమ్మర్ సెన్సేషన్ గా నిలుస్తుందనే అంచనాలున్నాయి.