అనుష్క అమెరికా వెళ్లేది అందుకే

ఇటీవ‌లి కాలంలో మ‌న స్టార్లంతా ఓవ‌ర్సీస్ మార్కెట్‌ పై గురి పెడుతున్నారు. అప్ప‌ట్లో శ్రీ‌మంతుడు ప్ర‌మోష‌న్ కోసం మ‌హేష్ అమెరికా వెళ్లొచ్చాడు. అప్ప‌ట్నుంచి ఒక‌రొక‌రుగా అమెరికా బాట ప‌ట్టారు. భ‌లే మ‌గాడు నాని కూడా అమెరికా బాక్సాఫీస్ నుంచి బోలెడంత షేర్ చేసుకున్నాడు కాబ‌ట్టి..  ఎన్నారైల డాల‌ర్ల‌కు సువాస‌న ఎక్కువ అన్న సంగ‌తి అంద‌రికీ అర్థ‌మైంది.  ప్ర‌మోష‌న్‌ కి త‌గ్గ‌ట్టే డాల‌ర్లు కురుస్తుండ‌డం తో ఇప్పుడంతా అమెరికా మీద‌, ఎన్నారైల మీద ప‌డ్డారు.

ఈ మధ్యనే శ్రీ‌మంతుడు బాట‌లోనే బ్రూస్‌ లీ  ప్ర‌మోష‌న్ కోసం చ‌ర‌ణ్ అమెరికా వెళదామనుకున్నాడు కాని వెళ్ళలేదు. ఆ త‌ర్వాత అఖిల్ మాత్రం ముంద‌స్తు ప్ర‌ణాళిక‌తో త‌న సినిమాకి అమెరికాలో ప్ర‌మోష‌న్ చేసుకున్నాడు. ఇప్పుడు అదే త‌ర‌హాలో స్వీటీ అనుష్క త‌న సినిమా ప్ర‌మోష‌న్ కోసం అమెరికా వెళుతోంది. అక్క‌డ చిత్ర‌యూనిట్ స‌హా స్వీటీ హ‌ల్‌ చ‌ల్ చేయ‌బోతోంది. అంతేకాదు ఎన్నారైల అభిరుచికి త‌గ్గ‌ట్టే కాస్త డిఫ‌రెంట్‌ గా ఈ సినిమాని ప్ర‌మోట్ చేయాల‌ని ప్లాన్ డిజైన్ చేస్తున్నారు. ఇప్ప‌టికే సైజ్ జీరో ఆడియో డిఫ‌రెంటుగా చేసి ఆడియెన్‌ ని మెప్పించారు. అదే కోవ‌లో ఇప్పుడు ఎన్నారైల‌కు స్పెష‌ల్ ట్రీట్ ఇవ్వ‌బోతున్నారు.

ఒబిసిటీ స‌మ‌స్య మ‌న‌కంటే అమెరికాలోనే ఎక్కువ కాబ‌ట్టి స్వీటీని చూసి మ‌న‌సు ప‌డి అమెరికాలో ఉన్న బొద్ద‌మ్మాయిలంతా ఈసినిమా చూసేయ‌డం ఖాయం అన్న సంగ‌తి అర్థ‌మ‌వుతోంది. అయితే అనుష్క అమెరికా లావు తగ్గడానికి లైపో చేయించుకోడానికి అని రూమర్లు వినిపిస్తున్న వేళ.. అసలు అమ్మడు అక్కడకెళ్ళేది ప్రమోషన్లకు అని తెలియడంతో ఫ్యాన్స్‌ ఆనందపడుతున్నారు. ఈ చిత్రానికి ఏ.ఎస్‌. ప్ర‌కాశ‌రావు (ప్ర‌కాష్ కోవెల‌మూడి) ద‌ర్శ‌క‌త్వం వ‌హించారు. పివిపి నిర్మించారు.