అర్జున్‌ రెడ్డి ముందు చిన్నబోయిన అవెంజర్స్‌

టాలీవుడ్‌ సెన్షేషన్‌ అర్జున్‌ రెడ్డి మూవీని హిందీ మరియు తమిళంలో రీమేక్‌ చేసిన విషయం తెల్సిందే. తెలుగు మాదిరిగానే హిందీ మరియు తమిళంలో కూడా సూపర్‌ డూపర్‌ సక్సెస్‌ అయ్యాయి. మూడు భాషల్లో సూపర్‌ హిట్‌ అయిన సినిమాగా అర్జున్‌ రెడ్డి అరుదైన రికార్డును సొంతం చేసుకుంది. ముఖ్యంగా హిందీ అర్జున్‌ రెడ్డి 'కబీర్‌ సింగ్‌' ఈ ఏడాది బాలీవుడ్‌ బిగ్గెస్ట్‌ సక్సెస్‌ చిత్రాల జాబితాలో చోటు సంపాదించింది. పెట్టుబడికి ఏకంగా నాలుగు అయిదు రెట్ల లాభం వచ్చినట్లుగా బాక్సాఫీస్‌ రిపోర్ట్‌ అందుతోంది.

తెలుగు వర్షన్‌ కు దర్శకత్వం వహించిన సందీప్‌ రెడ్డి కబీర్‌ సింగ్‌ కు కూడా దర్శకత్వం వహించాడు. షాహిద్‌ కపూర్‌ హీరోగా కియారా అద్వానీ హీరోయిన్‌ గా నటించిన ఈ సినిమా బాలీవుడ్‌ ప్రేక్షకులను విశేషంగా ఆకట్టుకుంది. అది ఎంతగా అంటే హాలీవుడ్‌ చిత్రం అవెంజర్స్‌ ఎండ్‌ గేమ్‌ కూడా కబీర్‌ సింగ్‌ ముందు చిన్న బోయింది. గూగుల్‌ లో 2019 సంవత్సరం ట్రెండ్స్‌ జాబితాను విడుదల చేయగా అందులో అవెంజర్స్‌ ను పక్కకు నెట్టి కబీర్‌ సింగ్‌ నెం.1 గా నిలిచింది. అవెంజర్స్‌ ఎండ్‌ గేమ్‌ కంటే కూడా అధికంగా కబీర్‌ సింగ్‌ ను నెటిజన్స్‌ వెదికారు.

2019లో గూగుల్‌ లో అత్యధికంగా సెర్చ్‌ చేయబడిన టాప్‌ 10 చిత్రాల జాబిత ఇదే.

1. కబీర్‌ సింగ్‌
2. అవెంజర్స్‌ ఎండ్‌ గేమ్‌
3. జోకర్‌
4. కెప్టన్‌ మార్వెల్‌
5. సూపర్‌ 30
6. మిషన్‌ మంగళ్‌
7. గల్లీ భాయ్స్‌
8. వార్‌
9. హౌస్‌ ఫుల్‌
10. యూరి : ది సర్జికల్‌ స్క్రైక్‌