అఖండ‌ను కాదు ఈయ‌న్ని చూడండి!

ఇటీవ‌లి కాలంలో న‌ట‌సింహా నంద‌మూరి బాల‌కృష్ణ బ్యాక్ టు బ్యాక్ ట్రీట్ తో అభిమానుల‌ను మురిపిస్తున్నారు. క‌రోనా ప్ర‌భావం ఆయ‌నపై అస్సలు ప‌డ‌నే లేదంటే అతిశ‌యోక్తి కాదు. త‌న సినిమా అఖండ రిలీజ్ ఎంత ఆల‌స్య‌మైందో అంత‌కుమించిన బ్లాక్ బ‌స్ట‌ర్ అందుకున్నాడు. ఇక ఈ మూవీలో నందమూరి బాలకృష్ణ కెరీర్ బెస్ట్ లుక్స్ తో కట్టి ప‌డేసారు. ఆయ‌న విధ్వంశ‌క‌ర న‌ట‌న‌కు అభిమానులు ప్ర‌జ‌లు జేజేలు ప‌లికారు. అఘోరాగా .. వైట్ అండ్ వైట్ లుక్ లో అత‌డిలోని వేరియేష‌న్ ని ప్ర‌జ‌లు  ఓన్ చేసుకున్న తీరు హాట్ టాపిక్ అయ్యింది.

అఖండ త‌ర్వాత నెక్ట్స్ ఏంటి? అంటే... ప్ర‌స్తుతం ఎన్ బికే త‌న కెరీర్ 107వ చిత్రంలో న‌టిస్తున్నారు.  గోపీచంద్ మలినేని ఈ చిత్రానికి దర్శకత్వం వహిస్తున్నారు. ఇది పూర్తి కమర్షియల్ యాక్షన్ థ్రిల్లర్. ఈ చిత్రంలో శృతి హాసన్ కథానాయికగా నటిస్తోంది. తాజాగా ఆన్ లొకేష‌న్ నుంచి ఒక ఫోటో లీకైంది. ఇది క్ష‌ణాల్లో నంద‌మూరి అభిమానుల్లో తుఫాన్ సృష్టించింది.

అఖండ‌ను కొట్టేలా బాల‌య్య గెట‌ప్ ఫ్యాన్స్ కి ట్రీట్ గా మారింది. ఎన్‌బీకే107తో మ‌రోమారు అఖండను మించి దుమ్ము రేప‌డం ఖాయ‌మ‌న్న టాక్ వినిపిస్తోంది.  సోషల్ మీడియా వేదిక‌గా వైర‌ల్ అవుతున్న ఈ లుక్ లో బాల‌య్య ఫ‌క్తు జెంటిల్ మ‌న్ లా క‌నిపిస్తున్నారు. అలా ఆరుబ‌య‌ట చెక్క కుర్చీలో కూచుని ఏదో మాట్లాడుతూ దీర్ఘాలోచ‌న‌తో ఉన్న‌ట్టు క‌నిపిస్తోంది.

అత‌డి వెంట మంది మార్బ‌లం బ‌ల‌గం ఉంద‌ని కూడా ఈ లుక్ చెబుతోంది. మొత్తానికి ఆయ‌న నుంచి అదిరిపోయే మ‌సాలా యాక్ష‌న్ చిత్రాన్ని ఆశించ‌వ‌చ్చు. అయితే క్రాక్ త‌ర‌హాలోనే ఈ మూవీని కూడా రియ‌ల్ ఇన్సిడెంట్స్ బేస్ చేసుకుని గోపిచంద్ మ‌లినేని తెర‌కెక్కిస్తున్నార‌ని కూడా గుస‌గుస‌లు వినిపిస్తున్నాయి. ప్ర‌స్తుతానికి లుక్ అయిన ఫోటోగ్రాఫ్ అంత‌ర్జాలంలో దుమారం రేపుతోంది.